¿KʼUXI XUʼ JUNUK NOʼOX KOʼONTONTIK?
Chkʼot skʼakʼalil ti jun xa noʼox koʼontontike
Toj lek li kʼusitik chal Vivliae, yuʼun tskoltautik sventa mu masuk jvul koʼontontik. Li voʼotike mu kʼusi stakʼ jpastik sventa mu xa jvul koʼontontik, pe li Jpasvanej kuʼuntike spas yuʼun, yuʼun oy xa buchʼu svaʼanoj sventa skoltautik, jaʼ li Jesukristoe. Li Jesuse oy kʼusitik lek la spas kʼalal ay ta balumile, pe oy kʼusitik mas to lek tspas ta jelavel li’ ta balumile. Jkʼeltik jaytosuk.
LI JESUSE CHPOXTA LI BUCHʼUTIK IPIKE
«Laj yikʼbeik batel skotol li buchʼutik chil svokolik ta skoj [xchamelike] [...]; vaʼun la xpoxtaan» (MATEO 4:24).
LI JESUSE CHAKʼ JNATIK XCHIʼUK JVEʼELTIK
«Ta xlik svaʼan snaik sventa te chnakiik, ta stsʼun s-uvaik sventa tslobeik sat. Muʼyuk bu tsvaʼanik naetik ti yan-o xa buchʼu te chnakie mi jaʼuk tstsʼunolajik ti yan-o xa buchʼu tslajesbe sate» (ISAIAS 65:21, 22).
LI JESUSE CHAK’ JUN OʼONTONAL XCHIʼUK TI MU KʼUSI CHIJXIʼOE
«Kʼalal jaʼo ch-ajvalilaje, xnichinajik noʼox li buchʼutik tukʼike, ta x-epaj li jun oʼontonale, jaʼ to mi laj li lunae. Oy buchʼutik tsventain ta jot stiʼil nab kʼalal to ta jot stiʼil nab xchiʼuk chlik ta ukʼum Eufrates kʼalal to ta spajeb balumil [...], jech xtok, tstsal yajkontratak li ajvalile» (SALMO 72:7-9).
LI JESUSE TA SPOJ LI BUCHʼUTIK CHICHʼIK ILBAJINELE
«Chkʼuxubaj ta yoʼonton li buchʼutik bikʼit yakʼoj sbaike xchiʼuk li buchʼutik abol sbaike, jech xtok, chchabibe xkuxlejal li buchʼutik abol sbaike. Chpojatik kʼalal chichʼik ilbajinele xchiʼuk kʼalal tstsakatik ta kʼope» (SALMO 72:13, 14).
LI JESUSE TA XAKʼBE SLAJEB LI VOKOLILETIKE XCHIʼUK LI LAJELALE
«Muʼyuk xa lajelal, muʼyuk xa at-oʼonton, muʼyuk xa okʼel ta skoj vokolil xchiʼuk mi jaʼuk xa kʼusi kʼux chkaʼitik» (APOKALIPSIS 21:4).
Xuʼ van chakʼupin skʼelel xtok liʼe
KʼUSITIK TSJAKʼIK TA SVENTA VIVLIA
¿Kʼusitik tspas li Ajvalilal yuʼun Diose?
Kʼelavil kʼusi tspas li Ajvalilal yuʼun Dios kʼalal mi lik spas mantal ta balumile.
