Ta skoj ti kuxulutik ta jun balumil ti noj ta choplejale, xuʼ xij-ipajutik yuʼun xchiʼuk ta jvul-o koʼontontik. Jech xtok, li buchʼutik oy kʼusitik tsots snuptanojike xuʼ me muʼyuk xa spatobil yoʼonton chaʼiik. ¿Kʼusitik van xuʼ xkʼot ta stojolalik?

• Junantike mu xa skʼan snopik li kʼusi chkʼot ta pasel ta tsʼakale.

• Yantike chlik yuchʼik pox o tslajesik droga.

• Junantik xtoke, mu xa skʼan xkuxiik xchiʼuk xi chalike: «Jecheʼ xa noʼox ti kuxulune».

• Yikʼaluk van junantik li kʼusi yakal chanuptane ch-echʼ noʼox xchiʼuk jun xa noʼox avoʼonton likel.

• Mi mu xchapaje, xuʼ van oy kʼusi xapas sventa xkuch batel avuʼun.

• Li Vivliae chal ti chlaj sbatel osil li vokoliletike.

Xi chal li Vivliae: «Mu me xavul avoʼontonik ta sventa li yokʼomale, yuʼun oy kʼusi chakʼ vul oʼonton xtok li ta yokʼomale. Yuʼun xuʼ noʼox ti kʼu yepal vokolil yichʼoj tal jujun kʼakʼale» (Mateo 6:34).

Mu masuk xavat avoʼonton ta sventa li kʼusi xuʼ xkʼot ta pasel ta tsʼakale ti xuʼ jaʼ smakot ta spasel li kʼusi abainoje.

Mi chavat-o tajek avoʼonton li kʼusitik chopol xuʼ xkʼot ta pasele, mas me chavul-o avoʼonton xchiʼuk chchʼay-o li spatobil avoʼontone.

Jun jtsʼibajom yuʼun salmo (kʼejoj ta Vivlia) xi laj yalbe li Diose: «Li akʼope jaʼ kʼotem ta kantil yuʼun li kakane xchiʼuk jaʼ sakjaman batel yuʼun li jbee» (Salmo 119:105). ¿Kʼusi skʼan xal taje?

Li jokoe tskoltautik sventa xkil jbetik li ta akʼobaltike. Jaʼ jech li Vivliae eke, yichʼoj tal lekil beiltaseletik ti tskoltautik yoʼ lekuk kʼusi xkʼot ta nopel kuʼuntike.

Jech kʼuchaʼal nom kʼusi chakʼ kiltik batel li xojobal jokoe, li Vivlia eke, chakʼbutik ta ilel li kʼusi labal sba jmalaojtik ta tsʼakale.