Akʼo ta ilel kʼanelal
Li kʼusi chakʼ vokolile
Li kʼusi chopol ta jnoptik ta stojolal li yantike mu ta aniluk chchʼay batel. Sventa xchʼay batel jtosuk chamele ta kʼunkʼun xchiʼuk skʼan oy kʼusi jpastik ek, jaʼ jech skʼan jpastik mi mu jkʼan chopol kʼusi jnoptik ta stojolal li yantik eke. ¿Kʼusi xuʼ jpastik sventa xchʼay batel li kʼusi chopol ta jnoptik ta stojolal li yantike?
Beiltasel ta Vivlia
«Lapik me li kʼanelal xtoke, yuʼun jaʼ batsʼi jpasvanej ta jun» (KOLOSENSES 3:14).
¿Kʼusi skʼan xal? Kʼalal oy kʼusi ta jpastik ta stojolal li yantike, mas tsobol oy li krixchanoetike. Mi chavakʼbe iluk ti akʼanojan li yantike, mas me chjutukaj ti chopol kʼusi chanop ta stojolal li yantike xchiʼuk ta kʼunkʼun chchʼay batel ti chopol chavil li yantike.
Li kʼusi xuʼ xapase
Nopo kʼu yelan xuʼ xavakʼbe ta ilel kʼanelal li jtsop krixchanoetik ti mu lekuk chavile. Mu persauk ti yan xa sba kʼusitik chapas sventa xavakʼ ta ilel li kʼanelale. Xuʼ xi xapase:
Kʼalal chkakʼtik persa yakʼel ta ilel li kʼanelale, ta kʼunkʼun chchʼay batel li kʼusi chopol ta jnoptik ta stojolal li yantike
Akʼo ta ilel slekil avoʼonton, xuʼ van xakolta ta sjamel tiʼ na o xavakʼbe achotleb mi muʼyuk xa la sta li ta kombi o ta karoe.
Akʼo persa xachiʼin ta loʼil akʼo mi mu xanabe lek li skʼope.
Oyuk smalael avuʼun kʼalal mu xavaʼibe smelolal li kʼusi tspasike.
Tsʼetanbo lek xchikinal li kʼusi chalbote xchiʼuk akʼo persa ta yaʼibel smelolal li svokol tsnuptane.
Xuʼ van chakʼupin skʼelel xtok liʼe
TA JKOLTAKUTIK KRIXCHANOETIK
Ta skoj chanubtasel ta Vivlia chichʼ tsalel ti muʼyuk kʼusi chopol ta jnopkutik ta anil ta stojolal yantike
Li stestigotak Jeovae lek xchʼunojik ti koʼol skʼoplalik ta sat Dios li krixchanoetike.
¡VIK'ILUK ME JSATIK!
Tojobtasel sventa jun koʼontik xchiʼuk li yantike
¿Kʼusi talelalil tskoltautik sventa lekuk xkil jbatik xchiʼuk li yantike?
