Neneʼ tseb pe toj lek yoʼonton
Neneʼ tseb pe toj lek yoʼonton
JAʼTIK toe, oy jun neneʼ tseb ti baluneb sjabilal ti te nakal ta Brasile la snop chchʼak ta chaʼvokʼ li stakʼin stsʼinoje: jvokʼ ta 18 dolar xchiʼuk jvokʼ ta 25 dolar. La stikʼ ta xkaxail matanal takʼin ta Salon sventa Tsobobbail li 18 dolare, sventa stunesik li ta kʼusitik chtun ta stsobobbaile. Yan li 25 dolare la stak batel ta Betel ta slumal xchiʼuk la stak echʼel jlik karta ti xi chale: «Oy ta koʼonton chkakʼ ta sventa abtelal ta spʼejel balumil li takʼin liʼe. Li kʼusi oy ta koʼontone jaʼ skoltael li ermanoetik ta spʼejel Balumil ta xcholel li lekil aʼyeje. Ta slekil koʼonton chkakʼ xchiʼuk jaʼ ta skoj ti jkʼanoj Jeovae».
Chanubtasbil yuʼun stot smeʼ ti akʼo xcholbe skʼoplal li Ajvalilal yuʼun Diose. Xchiʼuk xchanubtasojik ti akʼo jech spas kʼuchaʼal chal li mantal liʼe: «Ichʼo ta mucʼ Mucʼul Dios ta sventa li cʼusitic oy avuʼune» (Pro. 3:9). Jchanbetik me slekil yoʼonton li uni tsebe, ta sjunuluk koʼontontik jkolta jbatik li ta abtelal ta sventa Ajvalilal yuʼun Diose, jkolta jbatik ta jtsobobbailtik xchiʼuk li ta abtelal chichʼ pasel ta spʼejel Balumile.