Ta sjunuluk koʼontontik xkakʼtik xchiʼuk ta muyubajeluk

XI LA stsʼiba jtakbol Pablo ti kʼuyelan jtalelaltik kʼalal oy kʼusi chkakʼtike: «Jech jujunoxuc aqʼuic ti cʼu yepal chlocʼ ta avoʼntonique. Mu me ta chibeteluc; mu me ta sujeluc xavaqʼuic. Yuʼun jaʼ chcʼanat yuʼun Dios li bochʼo xcuxet noʼox yoʼnton chaqʼue» (2 Cor. 9:7). Li Jeovae muʼyuk buchʼu tsuj sventa skolta sba li ta melel yichʼel ta mukʼe. Li kʼusi tspase jaʼ ti akʼo yakʼik ta sjunul yoʼontonik matanal takʼin li yajtuneltake xchiʼuk ti ta muyubajeluk xakʼik sventa xakʼik ta ilel ti yichʼojik ta mukʼ Diose. Ti kʼu sjalil echʼem tal li kuxlejale, te vinajem ti jun yoʼonton oy kʼusi chakʼ li yajtuneltake. Jkʼeltik oxtosuk kʼusi kʼotem ta pasel.

Kʼalal laj xaʼox skolta ta Egipto j-israeletik li Jeovae, laj yal mantal ti akʼo spasik li chʼulna pasbil ta nukule xchiʼuk laj yal ti akʼo yakʼik li kʼusitik chtune. Ti kʼusi kʼot ta pasele, «li bochʼotic lec icʼot ta yoʼntonique, ti tsots scʼoplal laj yaʼyique» laj yichʼik echʼel kʼanal takʼin, sakil takʼin, natsʼiletik xchiʼuk yantik matanaletik. Toj echʼ xa noʼox laj yakʼ ta  ilel slekil yoʼonton li krixchanoetike, jaʼ yuʼun laj yalik ti mu xa xichʼik tal mase (Éxo. 35:5, 21; 36:6, 7).

Echʼ jayib siglo ta mas jelavele laj yichʼ vaʼanel li chʼulnae, jaʼ yuʼun te laj yakʼ ta ilel xtok ti oy ta yoʼonton tskoltaik melel yichʼel ta mukʼ Dios li jteklume. Ep tajek kʼusi laj yakʼ li ajvalil Davide xchiʼuk laj yalbe yantik j-israeletik ti akʼo ta sjunuluk yoʼonton xakʼike. Jaʼ jech la spasik, yuʼun ti jaʼ noʼox jchapbetik stojol li kʼanal takʼin xchiʼuk li sakil takʼin laj yichʼ akʼele te van 100 mil miyonuk dolar li avie. ¿Kʼusi kʼot ta pasel un? Li Vivliae chal ti muyubaj li jteklum ta skoj ti laj yakʼbeik matanal li Jeovae (1 Cró. 29:3-9; 2 Cró. 5:1).

Li baʼyel yajtsʼaklomtak Jesuse jaʼ jech oy kʼusi ta sjunul yoʼonton laj yakʼik. Li ta Pentecostés ta sjabilal 33 te van oxmiluk krixchanoetik laj yichʼik voʼ, ep ti mu teuk nakalik ta Jerusalene. Sventa xuʼ te xpajik kʼuk sjalil ta Jerusalén li ermanoetik ti abol sbaik yoʼ xchanik mas ta sventa li kʼusi achʼ to la xchʼunike, la xchon kʼusitik yuʼunik li yajtsʼaklomtak Cristo tee xchiʼuk bat yakʼbeik jtakboletik li stojole. ¡Toj echʼ xa noʼox xmuyubaj yuʼunik Jeova ti jech laj yakʼ ta ilel xchʼunel yoʼontonik xchiʼuk li kʼanelal yuʼunike!

Li avie jech-o xmuyubaj tskolta sbaik ta sventa melel yichʼel ta mukʼ Jeova li yajtsʼaklomtak Cristoe xchiʼuk ti oy kʼusi chakʼ ta sjunul yoʼontonike, chchʼak skʼakʼalik, chakʼ yipalik xchiʼuk chakʼ yuni takʼinik ta sventa li abtelal yuʼun Ajvalilal yuʼun Diose. Li rekuadro liʼ ta olone chal kaʼitik kʼuxi xuʼ jkolta jbatik.

Ti Kʼutik Yelan Xuʼ Chkakʼtik Matanale

MATANAL TAKʼIN SVENTA LI ABTELAL TA SPʼEJEL BALUMILE

Ep buchʼutik chchʼak stakʼinik sventa tstikʼik li ta kaxa sventa «Abtelal ta spʼejel balumile».

Li takʼin tstsob li tsobobbailetike tstakik batel jujun u ta Betel ti chkʼelbat slumalike. Li matanal takʼine xuʼ tukʼ xichʼ akʼel xtok li bu chichʼ alel liʼe: Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-2483, o jaʼ ti bu junukal Betel sventainoj li tsobobbaile. Li chekeetike skʼan akʼel echʼel ta sbi «Watchtower». Xuʼ chichʼ akʼel ta matanal xtok li natsʼiletik o yan kʼusitik ti ep sbalile, mi jech chichʼ akʼele skʼan me xichʼ alel batel ta jlik karta ti jaʼ donaciones incondicionales.

DONACIONES CONDICIONALES

Xuʼ xichʼ akʼel ta fideicomiso ta Watch Tower Bible and Tract Society of Pennsylvania li takʼine sventa tstunesik ta spasel li abtelal ta spʼejel Balumile, taje stakʼ me sutesik mi laj yichʼ kʼanele. Mi cha kʼan chavaʼibe mas smelolale kʼopojan echʼel ta Tesorería (Treasurerʼs Office) ta telefono (718) 560-7500, o mi moʼoje tsʼibajan echʼel li bu chal li parafo laj xa kaltike.

DONACIONES PLANIFICADAS

Maʼuk noʼox xuʼ chkakʼtik li kuni takʼintik ti muʼyuk ta jkʼantik sutele, oy to kʼuxi xuʼ jkolta jbatik xtok ta spasel li abtelal ta spʼejel balumil ta sventa li Ajvalilal yuʼun Diose, jech kʼuchaʼal chkalbetik batel skʼoplal liʼe:

Seguros. Xuʼ jaʼ xkom ta beneficiario li Watch Tower Bible and Tract Society of Pennsylvania li seguro de vida chi j-akʼbate o li koltael chkichʼtik kʼalal mi li jlokʼ ta abtele.

Cuentas bancarias. Li certificado de depósito, cuentas bancarias xchiʼuk cuentas personales de jubilación, xuʼ xichʼ akʼbel ta fideicomiso li Watch Tower Bible and Tract Society of Pennsylvania, o mi moʼoje jaʼ akʼo xichʼ li jtakʼintik kʼalal mi li jchame jaʼ ti kʼuyelan li mantaletik ta banko ti bu jlumaltike.

Acciones xchiʼuk bonos. Xuʼ xichʼ akʼbel-o ta skʼob Watch Tower Bible and Tract Society of Pennsylvania li acciones xchiʼuk bonos xtoke.

Inmuebles. Xuʼ xichʼ akʼel osil o na ti stakʼ chonele, xuʼ chichʼ akʼel ta donación incondicional, o mi oy to buchʼu te nakale, jaʼ to yuʼun li dominio vitalicio ta sventa li yosil o sna ti buchʼu laj yakʼe, jaʼ xkaltik, ti xuʼ to te xnaki ti kʼu sjalil kuxule. Kʼalal mu to chavakʼ ta kʼabal li kʼusi cha kʼan chavakʼe, baʼyel kʼopojan echʼel ta Betel ti sventainoj alumale.

Donaciones con renta. Li Donaciones con renta taje jaʼ kʼalal ta jun trato chichʼ akʼbel takʼin (fondos) o svunal osil o na (títulos) jun organisasion ti tstunes yajrextikotak Jeovae, li j-akʼ matanal taje, (o jaʼ ti buchʼu vaʼanbil yuʼune) xuʼ chichʼ jun anualidad vitalicia. Li matanaletik chichʼ akʼel taje chjutukaj yuʼun li patan chichʼ tojel jujun jabile.

Testamentos xchiʼuk fideicomisos. Xuʼ xkakʼbe kosiltik, jnatik o jtakʼintik li Watch Tower Bible and Tract Society of Pennsylvania mi bat jpasbetik lek svunal li testamento o ti ta xkaltik ti jaʼ tstabe sbalil li fideicomiso la jpastike. Li fideicomiso ta sventa skoltael relijione xuʼ me xjutukaj yuʼun li patane.

Jech kʼuchaʼal li «donaciones planificadas» ti xie, jaʼ skʼan xal ti skʼan xchapanbe lek skʼoplal li buchʼu chakʼ matanale. Sventa chichʼ koltael li buchʼutik tskʼan chakʼ uni matanal kʼuchaʼal taje, ti chtun sventa xichʼ pasel li abtelal yuʼunik ta spʼejel balumil li yajrextikotak Jeovae, yichʼoj chapanel ta inglés xchiʼuk ta español li foyeto Donaciones planificadas para favorecer el servicio del Reino en todo el mundo. Li foyeto taje te chalbe skʼoplal jeltos kʼuyelan xuʼ xkakʼtik matanaletik o ti chkakʼtik li kʼusitik oy kuʼuntike. Kʼalal la skʼelik xchiʼuk la sjakʼbeik asesores legales o fiscales, ep krixchanoetike laj yakʼik venta ti xuʼ tskolta sbaik li ta abtelal sventa relijion xchiʼuk ta sventa li skoltael krixchanoetik ti yakal ta jpastik ta spʼejel balumile, xchiʼuk ep staojbeik sbalil xtok ti jech tspasike (beneficios fiscales). Li foyeto taje xuʼ xa tak ta kʼanel ta Ofisina sventa Matanaletik ti Chapanbil lek skʼoplale (Charitable Planning Office).

Mi cha kʼan to cha nabe mas skʼoplale, tsʼibajan echʼel o kʼopojan echʼel ta Ofisina sventa Matanaletik ti Chapanbil lek skʼoplale, liʼ chkaltik batel ti bu stukʼile o mi moʼoje kʼopojan echʼel ta Betel ti sventainoj alumale.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Telefono: (845) 306-0707