Kakʼbetik smoton li Jeovae

¿KʼUXI ta jtojbetik ta vokol kʼalal oy buchʼu tskoltautike? Jkʼeltik kʼuyelan la stojbeik ta vokol Jeova li bankilaletik yuʼun soltaroetik ta Israel kʼalal koltaatik ta stsalel li jmadianetike. Li pas kʼop taje laj yichʼ pasel kʼalal spasoj xaʼox tsots smulik xchiʼuk Baal-peor li j-israeletike. Akʼo mi jech, koltaatik yuʼun Jeova sventa tspasik kanal, vaʼun li kʼusitik la spojike la xchʼakik ta stojolal li 12,000 soltaroetik xchiʼuk li yan j-israeletike. Te une, jech kʼuchaʼal albatik yuʼun Jeovae, li soltaroetike laj yakʼbeik jvokʼuk li paleetike, jech la spasik ta stojolal jlevietik ek li yan j-israeletike (Núm. 31:1-5, 25-30).

Pe li bankilaletik yuʼun soltaroetike tskʼan ox chakʼik mas, vaʼun xi laj yalbeik srasonal li Moisese: «Vuʼuncutic, li avajtuneluncutique, laj xa jqʼuelcutic li soldadoetic ti cʼu yepal jventainojcutic batele, pero muʼyuc cʼusi la spas junuc. Lec ivulic scotolic». Lokʼ ta yoʼontonik yakʼbel kʼusitik kʼupilik sba pasbil ta kʼanal  takʼin li Jeovae, li yepale te van mas ta 180 kilo ta skotol (Núm. 31:49-54).

Li yajtunelutik Jeova avie ta jkʼan ta jtojbetik ta vokol ek li kʼusitik spasoj ta jtojolaltike. Pe mu jtuktikuk noʼox. Jech chakʼ ta ilel li kʼusi la spas jun jtsʼot autovus ti laj yikʼ batel xchiʼuk laj yikʼ sutel jtsop yajrextikotak Jeova ta jun estadioe. Taje jaʼ ti bu laj yichʼ pasel li mukʼta tsobajel internasional ta 2009 ta jun mukʼta jteklum ti Bolonia sbi ta Italiae. Ta skoj ti lek noʼox smelolal la stsʼot autovus xchiʼuk ti toj lek stalelale, li ermanoetike la snopik ti tstsʼibabeik uni vun sventa chalbeik kolavale xchiʼuk chakʼbeik yuni moton takʼin xchiʼuk jlik livro ¿Kʼusi chchanubtasvan ta melel li Vivliae? Pe li jtsʼot autovuse xi laj yale: «Ta sjunul koʼonton ta jchʼam li uni vune xchiʼuk li livroe, pe li takʼine ta jsutesboxuk yuʼun ta jkʼan ta jkolta jba ta sventa li avabtelike. Akʼo mi maʼukun yajrextiko Jeova, ta jkʼan ta jkoltaoxuk yuʼun kiloj ti ta slekil avoʼontonik cha pasik li avabtelike».

Jtos ti kʼuyelan chkakʼtik ta ilel ti ta jtojbetik ta vokol li kʼusi spasoj Dios ta jtojolaltike, jaʼ ti chkakʼtik mantal takʼin sventa jkolta jbatik li ta abtelal ta chol mantal ta spʼejel Balumil ti tspasik li yajrextikotak Jeovae (Mat. 24:14). Li rekuadro ta olone chal kaʼitik kʼuxi xuʼ jkolta jbatik.

[Rekuadro ta pajina 20, 21]

TI KʼUTIK YELAN XUʼ CHKAKʼTIK MATANALE

MATANAL TAKʼIN SVENTA LI ABTELAL

TA SPʼEJEL BALUMILE

 Ep buchʼutik chchʼak stakʼinik sventa tstikʼik li ta kaxa sventa «Abtelal ta spʼejel Balumile».

 Li takʼin tstsob li tsobobbailetike tstakik batel jujun u ta Betel ti chkʼelbat yabtelik ta chol mantal ta slumalike. Li buchʼu tskʼan chakʼ matanal takʼine xuʼ tukʼ tstak batel li bu chichʼ alel liʼe, ta Estados Unidos: Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-​2483, o jaʼ ti bu junukal Betel sventainoj li tsobobbaile. (Li matanal takʼin ti chichʼ albel skʼoplal ta olone xuʼ xichʼ takel batel ti bu junukal Betel sventainoj li tsobobbaile.) Li chekeetike skʼan akʼel ta sbi «Watch­tower». Xuʼ chichʼ akʼel ta matanal xtok li natsʼiletik o yan kʼusitik ti ep sbalile, mi jech chichʼ akʼele skʼan me xichʼ alel batel ta jlik karta ti jaʼ donaciones incondicionales.

DONACIONES CONDICIONALES

 Xuʼ xichʼ akʼel ta fideicomiso ta Watch Tower Bible and Tract Society of Pennsylvania li takʼine sventa tstunesik ta spasel li abtelal ta spʼejel Balumile, taje stakʼ me sutesik mi laj yichʼ kʼanele. Mi cha kʼan chavaʼibe mas smelolale kʼopojan batel ta Tesorería (Treasurerʼs Of­fice) ta telefono (718) 560-​7500, o mi moʼoje tsʼibajan batel li bu chal li parafo laj xa kaltike.

DONACIONES PLANIFICADAS

 Maʼuk noʼox xuʼ chkakʼtik li kuni takʼintik ti muʼyuk ta jkʼantik sutele, oy to kʼuxi xuʼ jkolta jbatik xtok ta spasel li abtelal ta spʼejel Balumil ta sventa li Ajvalilal yuʼun Diose, jech kʼuchaʼal chkalbetik batel skʼoplal liʼe:

 Seguros. Xuʼ jaʼ xkom ta beneficiario li Watch Tower Bible and Tract Society of Pennsylvania ta sventa li seguro de vida chi j-akʼbate o li koltael chkichʼtik kʼalal mi li jlokʼ ta abtele.

 Cuentas bancarias. Li certificado de depósito, cuentas bancarias xchiʼuk cuentas personales de jubilación, xuʼ xichʼ akʼbel ta fideicomiso li Watch Tower Bible and Tract Society of Pennsylvania, o mi moʼoje jaʼ akʼo xichʼ li jtakʼintik kʼalal mi li jchame jaʼ ti kʼuyelan li mantaletik ta vanko ti bu jlumaltike.

 Acciones xchiʼuk bonos. Xuʼ xichʼ akʼbel ta skʼob Watch Tower Bible and Tract Society of Pennsylvania li acciones xchiʼuk bonos xtoke, ti muʼyuk chichʼ kʼanel sutele. Jech xtok, xuʼ xkom kʼuchaʼal beneficiario mi oy buchʼu chame.

 Inmuebles. Xuʼ xichʼ akʼel osil o na ti stakʼ chonele, xuʼ chichʼ akʼel ta donación incondicional, o mi oy to buchʼu te nakale, jaʼ to yuʼun li dominio vitalicio ta sventa li yosil o sna ti buchʼu laj yakʼe, jaʼ xkaltik, ti xuʼ to te xnaki ti kʼu sjalil kuxule. Kʼalal mu to chavakʼ ta kʼabal li kʼusi cha kʼan chavakʼe, baʼyel kʼopojan batel ta Betel ti sventainoj alumale.

 Donaciones con renta. Li Donaciones con renta taje, jaʼ kʼalal ta jun trato chichʼ akʼbel takʼin (fondos) o svunal osil o na (títulos) jun corporación ti ojtikinbil ta stojolal ajvalil ti tstunes yajrextikotak Jeovae, li j-akʼ matanal taje, (o jaʼ ti buchʼu vaʼanbil yuʼune) xuʼ chichʼ jun anualidad vitalicia. Li matanaletik chichʼ akʼel taje chjutukaj yuʼun li patan chichʼ tojel jujun jabile.

 Testamentos xchiʼuk fideicomisos. Xuʼ xkakʼbe kosiltik, jnatik o jtakʼintik li Watch Tow­er Bible and Tract Society of Pennsylvania mi bat jpasbetik lek svunal li testamento o ti ta xkaltik ti jaʼ tstabe sbalil li fideicomiso la jpastike. Li fideicomiso ta sventa skoltael relijione xuʼ me xjutukaj yuʼun li patane.

 Jech kʼuchaʼal li «donaciones planificadas» ti xie, jaʼ skʼan xal ti skʼan xchapanbe lek skʼoplal li buchʼu chakʼ matanale. Sventa chichʼ koltael li buchʼutik tskʼan chakʼ uni matanal kʼuchaʼal taje, ti chtun sventa xichʼ pasel li abtelal yuʼunik ta spʼejel Balumil li yajrextikotak Jeovae, yichʼoj chapanel ta inglés xchiʼuk ta español li foyeto Donaciones planificadas para favorecer el servi­cio del ­Reino en todo el mundo. Li foyeto taje te chalbe skʼoplal jeltos kʼuyelan xuʼ xkakʼtik matanaletik o ti chkakʼtik li kʼusitik oy kuʼuntike. Kʼalal laj xaʼox skʼelik xchiʼuk la sjakʼbeik asesores legales o fiscales yuʼunike, ep krixchanoetike laj yakʼik venta ti xuʼ tskolta sbaik li ta abtelal sventa relijion xchiʼuk ta sventa li skoltael krixchanoetik ti yakal ta jpastik ta spʼejel Balumile, xchiʼuk ep staojbeik sbalil xtok ti jech tspasike (beneficios fiscales). Li foyeto taje xuʼ xa tak ta kʼanel ta Ofisina sventa Matanaletik ti Chapanbil lek skʼoplale (Charitable Planning Office).

 Mi cha kʼan to cha nabe mas skʼoplale, tsʼibajan batel o kʼopojan batel ta Ofisina sventa Matanaletik ti Chapanbil lek skʼoplale, liʼ chkaltik batel ti bu stukʼile o mi moʼoje kʼopojan batel ta Betel ti sventainoj alumale.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-​9204

Telefono: (845) 306-​0707