¿Mi jaʼ jun matanal chkiltik ti ta slekil koʼonton chijkoltavane?

LI VOʼNE yajtsʼaklomtak Cristo ta Filipose ojtikinbilik ta skoj ti tskʼupinik yakʼel kʼusitik oy yuʼunik ta sventa li melel yichʼel ta mukʼ Diose. Li ta karta la stsʼiba jtakbol Pablo ti akʼbat snaʼ yuʼun Diose, xi laj yalanbee: «Cʼalal chatʼabic ta coʼntone, persa onoʼox ta jtojbe ta vocol Dios ta aventaic. Xcuxet noʼox coʼnton ta jnaʼoxuc ta stojol Dios scotol ora ti cʼalal ta jcʼopan Dios jujun veltae, yuʼun coʼol ta jcolta jbatic ta sventa li Lequil Aʼyeje, jaʼ jech avoʼntonic o ta sliqueb xchiʼuc cʼalal to tana» (Fili. 1:3-5). Li kʼusi oy ta sjol li Pabloe jaʼ ti toj lek xchʼamvan ta sna li Lidiae, yuʼun kʼalal laj yichʼik voʼ sjunulik ta nae, la skʼanilanbe Pablo xchiʼuk xchiʼiltak ti akʼo te xkomike (Hech. 16:14, 15).

Te van kʼuk sjalile, te ikom jayibuk xemana xchiʼuk yajtsʼaklomtak Cristo ta Tesalónica li Pabloe, vaʼun li tsobobbail ti jaʼ toʼox tajek slikel li ta Filipose chib to velta la stakbeik batel li kʼusitik xuʼ slajese, manchuk mi jutuk mu 160 kilometro snamal li bu oyike (Fili. 4:15, 16). Te van jayibuk  jabil ta mas tsʼakale, akʼo mi oy svokolik xchiʼuk ti «ipasic ta meʼon ta scoj li vocole», li ermanoetik ta Filipos xchiʼuk jlom ermanoetik ta Macedoniae la skoltaik li yajtsʼaklomtak Cristo ta Jerusalén ti jaʼo chil svokolik ta nutsele. Yuʼun laj yal stuk Pablo ti «batsʼi ep laj yaqʼuic; solel ijelov to ti bu cʼalal yipal yuʼunique». Xi la stsʼiba xtoke: «Lic scʼanbicun vocol me xuʼ chcacʼbe spasic li jun abtel sventa tscoltaic li yanti[ke]» (2 Cor. 8:1-4; Rom. 15:26).

Kʼalal lajuneb xaʼox jabil kʼotemik ta yajtsʼaklom Cristo li jnaklejetik ta Filipose, jech-o tskʼupinik yakʼel li kʼusitik oy yuʼunike. Kʼalal laj yaʼiik ti tikʼil ta chukel li Pablo ta Romae, la stakik batel li Epafrodito ti te van 1,300 kilometro ixanav ta nab xchiʼuk ta balumil sventa chakʼbe li kʼusi takbil batele. Jamal lek xvinaj ti manchuk mi tikʼil ta chukel li Pabloe, li kʼusi tskʼanik li ermanoetik ta Filipose jaʼ ti mu xikta li cholmantale xchiʼuk ti tstsatsubtas li ermanoetike (Fili. 1:12-14; 2:25-30; 4:18).

Li melel yajtsʼaklomtak Cristo avi eke, jaʼ jun matanal chaʼiik ti xuʼ xkoltavanik ta xcholel mantal sventa li Ajvalilal yuʼun Diose xchiʼuk li spasel ta yajtsʼaklom Cristo li krixchanoetike (Mat. 28:19, 20). Jaʼ yuʼun, chakʼ skʼakʼalik, yipalik xchiʼuk kʼusitik x-ayan yuʼunik sventa tspukbeik batel skʼoplal li Ajvalilal yuʼun Diose. Li ta rekuadro chtale te chvinaj jun-chibuk ti kʼuxi xuʼ jkolta jbatik li ta abtelal ti yakʼojbutik Diose.

[Rekuadro ta pajina 22]

TI KʼUTIK YELAN XUʼ CHKAKʼTIK MATANALE

MATANAL TAKʼIN SVENTA LI ABTELAL TA SPʼEJEL BALUMILE

Ep buchʼutik chchʼak stakʼinik sventa tstikʼik li ta kaxa sventa «Abtelal ta spʼejel Balumile».

Li takʼin tstsob li tsobobbailetike tstakik batel jujun u ta Betel ti chkʼelbat yabtelik ta cholmantal ta slumalike. Li buchʼu tskʼan chakʼ matanal takʼine xuʼ tukʼ tstak batel li bu chichʼ alel liʼe, ta Estados Unidos: Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-2483, o jaʼ ti bu junukal Betel sventainoj li tsobobbaile. (Li matanal takʼin ti chichʼ albel skʼoplal ta olone xuʼ xichʼ takel batel ti bu junukal Betel sventainoj li tsobobbaile.) Li chekeetike skʼan akʼel ta sbi «Watchtower». Xuʼ chichʼ akʼel ta matanal xtok li natsʼiletik o yan kʼusitik ti ep sbalile, mi jech chichʼ akʼele skʼan me xichʼ alel batel ta jlik karta ti jaʼ donaciones incondicionales.

DONACIONES CONDICIONALES

Xuʼ xichʼ akʼel ta fideicomiso ta Watch Tower Bible and Tract Society of Pennsylvania li takʼine sventa tstunesik ta spasel li abtelal ta spʼejel Balumile, taje stakʼ me sutesik mi laj yichʼ kʼanele. Mi chakʼan chavaʼibe mas smelolale kʼopojan batel ta Tesorería (Treasurerʼs Office) ta telefono (718) 560-7500, o mi moʼoje tsʼibajan batel li bu chal li parafo laj xa kaltike.

DONACIONES PLANIFICADAS

Maʼuk noʼox xuʼ chkakʼtik li kuni takʼintik ti muʼyuk ta jkʼantik sutele, oy to kʼuxi xuʼ jkolta jbatik xtok ta spasel li abtelal ta spʼejel Balumil ta sventa li Ajvalilal yuʼun Diose, jech kʼuchaʼal chkalbetik batel skʼoplal liʼe:

Seguros. Xuʼ jaʼ xkom ta beneficiario li Watch Tower Bible and Tract Society of Pennsylvania ta sventa li seguro de vida chij-akʼbate o li koltael chkichʼtik kʼalal mi li jlokʼ ta abtele.

Cuentas bancarias. Li certificado de depósito, cuentas bancarias xchiʼuk cuentas personales de jubilación, xuʼ xichʼ akʼbel ta fideicomiso li Watch Tower Bible and Tract Society of Pennsylvania, o mi moʼoje jaʼ akʼo xichʼ li jtakʼintik kʼalal mi li jchame jaʼ ti kʼuyelan li mantaletik ta vanko ti bu jlumaltike.

Acciones xchiʼuk bonos. Xuʼ xichʼ akʼbel ta skʼob Watch Tower Bible and Tract Society of Pennsylvania li acciones xchiʼuk bonos xtoke, ti muʼyuk chichʼ kʼanel sutele. Jech xtok, xuʼ xkom kʼuchaʼal beneficiario mi oy buchʼu chame.

Inmuebles. Xuʼ xichʼ akʼel osil o na ti stakʼ chonele, xuʼ chichʼ akʼel ta donación incondicional, o mi oy to buchʼu te nakale, jaʼ to yuʼun li dominio vitalicio ta sventa li yosil o sna ti buchʼu laj yakʼe, jaʼ xkaltik, ti xuʼ to te xnaki ti kʼu sjalil kuxule. Kʼalal mu to chavakʼ ta kʼabal li kʼusi chakʼan chavakʼe, baʼyel kʼopojan batel ta Betel ti sventainoj alumale.

Donaciones con renta. Li Donaciones con renta taje, jaʼ kʼalal ta jun trato chichʼ akʼbel takʼin (fondos) o svunal osil o na (títulos) jun corporación ti ojtikinbil ta stojolal ajvalil ti tstunes yajrextikotak Jeovae, li j-akʼmatanal taje, (o jaʼ ti buchʼu vaʼanbil yuʼune) xuʼ chichʼ jun anualidad vitalicia. Li matanaletik chichʼ akʼel taje chjutukaj yuʼun li patan chichʼ tojel jujun jabile.

Testamentos xchiʼuk fideicomisos. Xuʼ xkakʼbe kosiltik, jnatik o jtakʼintik li Watch Tower Bible and Tract Society of Pennsylvania mi bat jpasbetik lek svunal li testamento o ti ta xkaltik ti jaʼ tstabe sbalil li fideicomiso la jpastike. Li fideicomiso ta sventa skoltael relijione xuʼ me xjutukaj yuʼun li patane.

Jech kʼuchaʼal li «donaciones planificadas» ti xie, jaʼ skʼan xal ti skʼan xchapanbe lek skʼoplal li buchʼu chakʼ matanale. Sventa chichʼ koltael li buchʼutik tskʼan chakʼ uni matanal kʼuchaʼal taje, ti chtun sventa xichʼ pasel li abtelal yuʼunik ta spʼejel Balumil li yajrextikotak Jeovae, yichʼoj chapanel ta inglés xchiʼuk ta español li foyeto Donaciones planificadas para favorecer el servicio del Reino en todo el mundo. Li foyeto taje te chalbe skʼoplal jeltos kʼuyelan xuʼ xkakʼtik matanaletik o ti chkakʼtik li kʼusitik oy kuʼuntike. Kʼalal laj xaʼox skʼelik xchiʼuk la sjakʼbeik asesores legales o fiscales yuʼunike, ep krixchanoetike laj yakʼik venta ti xuʼ tskolta sbaik li ta abtelal sventa relijion xchiʼuk ta sventa li skoltael krixchanoetik ti yakal ta jpastik ta spʼejel Balumile, xchiʼuk ep staojbeik sbalil xtok ti jech tspasike (beneficios fiscales). Li foyeto taje xuʼ xa tak ta kʼanel ta Ofisina sventa Matanaletik ti Chapanbil lek skʼoplale (Charitable Planning Office).

Mi chakʼan to chanabe mas skʼoplale, tsʼibajan batel o kʼopojan batel ta Ofisina sventa Matanaletik ti Chapanbil lek skʼoplale, liʼ chkaltik batel ti bu stukʼile o mi moʼoje kʼopojan batel ta Betel ti sventainoj alumale.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Telefono: (845) 306-0707