Jkʼeltik kʼusitik achʼ chlokʼ li ta revista sventa chichʼ chanele

Jech kʼuchaʼal chavakʼ ventae, li revista sventa chichʼ chanel ti jaʼ Li Jkʼel osil ta toyole, oy kʼusitik jel ti mas lek xvinaj xchiʼuk ti mas tskoltautik ta xchanel li kʼusitik melel ta Vivliae (Sal. 1:2; 119:97).

Leʼ xa ta chanib jabil ti lik jlokʼestik chaʼtos Li Jkʼel osil ta toyole, june jaʼ sventa skotol krixchanoetik, yan li june jaʼ sventa yajrextikotak Jeova xchiʼuk li buchʼutik yakal xa chchanik Vivlia ti oy ta yoʼontonik chchʼiik ta mantale.

Jun ermano ti jal xa tunem ta stojolal Jeovae, xi la stsʼibae: «Li baʼyel revista Li Jkʼel osil ta toyole, ti jaʼ sventa chichʼ chanele toj kʼupil xa noʼox laj kaʼi xchiʼuk kʼot ta koʼonton. Ti kʼuyelan chalbe skʼoplal li kʼusitik tsotsik skʼoplal ta Vivliae kʼot ta koʼonton. Kolavalik tajek ta skoj li matanal taje». Xi la stsʼiba yan ermano xtoke: «Oy ta koʼonton ta jchan jtuk jayibuk ora li revista sventa chichʼ chanele, jech xa ta jkʼan ta jpas xchiʼuk li Vivliae». Jechuk me jnopbentik kʼuchaʼal taje.

¿Mi xvul ta ajol kʼusi ora lik yichʼ lokʼesel Li Jkʼel osil ta toyole? ¡Jaʼ ta 1879! Taje jaʼ koliyal li sbendision xchiʼuk li xchʼul espiritu Jeovae (Zac. 4:6). Ti 133 jabil yechʼel tale, ep ta velta jelilanbil kʼuyelan chichʼ lokʼesel li spat revista liʼe. Li ta 2012, li jujulik revista chlokʼe chichʼ talel jun divujo ti lek tajek skoloral li ta baʼyel pajina ti chalbe skʼoplal cholmantale. Taje jaʼ chakʼ teuk-o ta joltik li kabteltik yakʼojbutik Diose, ti skʼan jambetik lek smelolal kʼuyelan chventainvane (Hech. 28:23). Li ta xchibal pajinae te chvinaj jun lokʼol ti bu laj yichʼ lokʼesel li divujo ta baʼyel pajinae, te chalbe jutuk sloʼilal xchiʼuk ti bu laj yichʼ lokʼesel li lokʼole. Taje jaʼ tsvules ta joltik jujun u ti ta jcholtik «ta sbejel banamil» lekil aʼyej li yajtunelutik Jeovae (Mat. 24:14).

Pe oy to ep kʼusitik labalik sba chichʼ talel li revistae. Jech kʼuchaʼal liʼe, kʼalal mi la akʼel li kʼusitik chichʼ chanele, chavakʼ venta li sjakʼobiltak sventa ta jvules ta joltike te xa chtal ta slikeb pajina ti bu chlik li xchanobile. Jaʼ te chavakʼ venta li kʼusitik mas tsots skʼoplale xchiʼuk xuʼ xasabe smelolal kʼalal chachapan aba sventa li Xchanel Li Jkʼel osil ta toyole. Taje jaʼ chtun xtok sventa chichʼ takʼel mi laj xaʼox xchanel li revistae, jech kʼuchaʼal nopem onoʼox xkaʼitike. Li ta stiʼiltak vune mas xa jamal. Li snumeroaltak pajina xchiʼuk parafoetike mas xa lek ikʼik xvinaj.

Jech xtok, oy kʼusi chaʼtos achʼ chlokʼ tal. Li baʼyele jaʼ sbi: «Kʼusitik kʼot ta pasel ta voʼne». Jech kʼuchaʼal chal li revista liʼe, jaʼ sventa chichʼ alel li kʼusitik labalik sba kʼotemik ta pasel yuʼun yajrextikotak Jeova. Li xchibale jaʼ sbi: «Ta sjunul yoʼonton bat tunikuk», te chal sloʼil xkuxlejal ermanoetik ti chmuyubajik ta skoj ti tunemik ti bu skʼan mas jcholmantaletike, taje bakʼintik noʼox chlokʼ.

Jmalaojkutik ti chakʼupinik xchanel Skʼop Dios xchiʼuk li revista liʼe.

Li jtsʼibajometike

[Lokʼol ta pajina 3]

1879

[Lokʼol ta pajina 3]

1895

[Lokʼol ta pajina 3]

1931

[Lokʼol ta pajina 3]

1950

[Lokʼol ta pajina 3]

1974

[Lokʼol ta pajina 3]

2008