Li kʼusitik tsjakʼ jkʼelvunetike
Li kʼusitik tsjakʼ jkʼelvunetike
¿Kʼusi ora kʼot ta svukubal mukʼta tsatsal lum li angloamericana ti chal ta albilkʼopetik ta Vivliae?
▪ Li mukʼta lokʼol laj yil ajvalil Nabucodonosore, muʼyuk te tsakal skʼoplal skotol li mukʼta tsatsal lumetike (Dan. 2:31-45). Moʼoj, jaʼ noʼox skʼan xal li voʼob mukʼta tsatsal lum ti ajvalilajik ta skʼakʼalil Daniel xchiʼuk ta jelavele, ti la stsakik ta kʼop li steklumal Diose.
Li kʼusi laj yal Daniel ta stojolal li mukʼta lokʼole maʼuk la skʼan laj yal ti jaʼ la stsal komel Roma li mukʼta tsatsal lum angloamericanae, moʼoj, yuʼun jaʼ te lik talel. Li Daniele laj yil ti steʼel yakan mukʼta lokʼol pasbil ta tsatsal takʼin ti chkʼot kʼalal to ta xpachʼomal yok xchiʼuk ta sniʼtak yoke. (Li ta xpachʼomal yok xchiʼuk ta sniʼtak yoke, kapal xa ta lum li tsatsal takʼine.) * Taje jaʼ skʼan xal ti mukʼta tsatsal lum angloamericanae te chlik talel ta steʼel yakan ti pasbil ta tsatsal takʼine. Taje jech me kʼot ta pasel, yuʼun jech chvinaj li ta sloʼil xkuxlejal krixchanoetike. Li Gran Bretañae, ti te lik talel li ta voʼneal Romae, jaʼ to te lik stsak talel yip ta slajebaltik xa echʼel jabil 1700. Ta tsʼakale, tsatsaj yip ek li Estados Unidose, pe maʼuk me skʼan xal ti jaʼ xa te kʼot ta pasel li svukubal mukʼta tsatsal lum ti chal albilkʼopetik ta Vivliae. ¿Kʼu yuʼun? Yuʼun li Gran Bretaña xchiʼuk Estados Unidose muʼyuk toʼox jmoj abtejemik tal. Jaʼ to kʼot ta pasel kʼalal lik li Baʼyel Mukʼta Paskʼop ta spʼejel Balumile.
Ti vaʼ kʼakʼal taje, «li xnichʼnab Diose» yakalik xaʼox ta abtel ta Estados Unidos, xchiʼuk oy xaʼox smeʼ nail abtelal yuʼunik ta Brooklyn, te ta Nueva York (Mat. 13:36-43). Jech xtok, oy xaʼox li buchʼutik tʼujbil chbatik ta vinajel ti baxbolik ta cholmantal ta lumetik ti oy ta sba li Gran Bretañae. Kʼalal jaʼo yakal li Baʼyel Mukʼta Paskʼop ta spʼejel Balumile, li Gran Bretaña xchiʼuk Estados Unidose la skoʼoltas sjolik, vaʼun la spasik kʼop ta stojolal li jpolitikoetike. Ta skoj li paskʼope, li Gran Bretaña xchiʼuk Estados Unidose la skontrainik li snitilulal ants yuʼun Diose, yuʼun muʼyuk laj yakʼik ti akʼo spuk li svunike xchiʼuk la stikʼik ta chukel li jbabeetik ta cholmantale (Apo. 12:17).
Li svukubal mukʼta tsatsal lum chal ta albilkʼop ta Vivliae, maʼuk te lik kʼalal tsots xaʼox yip li Gran Bretaña li ta slajebaltik xa echʼel 1700, moʼoj yuʼun jaʼ to kʼalal lik li skʼakʼalil Kajvaltike. *
[Tsʼibetik ta yok vun]
^ par. 4 Li tsatsal takʼin ti kapal xa ta lume, jaʼ skʼan xal li krixchanoetik ti te noʼox oyik li ta mukʼta tsatsal lum angloamericanae. Ti kʼu xa sjalil talele, ta skoj ti kapal ta lume mu stsak lek yipik jech kʼuchaʼal oy van ta yoʼontonike.
^ par. 6 Taje achʼ xa li kʼusi chichʼ alele. Li kʼusi lokʼ ta livro Las profecías de Daniel, pajina 57, parafo 24, jech xtok, chjel li ta rekuadro ta pajina 56 xchiʼuk 139.
[Lokʼol ta pajina 19]
Vaxakib ermanoetik li ta smeʼ nail abtelal ta Watchtower laj yichʼik chukel ta junio ta 1918
