Ep kʼusi oy yuʼunik ti tun yuʼunik li yantike

LI TA sjabilal 49, li Pedro, Santiago xchiʼuk Juane, ti «ilbilic jech chac cʼu chaʼal mero yoyale», oy kʼusi laj yalbeik li jtakbol Pablo xchiʼuk li Bernabee, jaʼ ti skʼan mu xchʼay ta sjolik li yajtsʼaklomtak Cristo ti abol sbaik kʼalal jaʼo chcholbeik mantal li jyanlum krixchanoetike (Gál. 2:9, 10). ¿Kʼuxi la spasik li kʼusi albatik taje?

Li ta skartatak jtakbol Pabloe, chal kʼuxi la spas. Yuʼun xi la stsʼibabe batel li yajtsʼaklomtak Cristo ta Corintoe: «Ta sventa ti laj ajacʼbicun scʼoplal li smoton Dios chatsobic sventa chacoltaic li jchʼunolajeletic ta Jerusalene, jaʼ jech xapasic jech chac cʼu chaʼal la jchanubtasic li jujutsob jchʼunolajeletic ta Galacia banamile. Ta jujun domingo, jaʼ li sba cʼacʼal xemunae, voqʼuic cʼuuc yepal xuʼ avuʼunic jujunoxuc, jaʼ ti cʼu yepal chapasic canale. Te xanaqʼuic, yuʼun mu jaʼuc to chatsobic ta anil ti cʼalal chicʼot ta atojolique. Cʼalal me te xa oyune, jaʼ chbat yaqʼuic li bochʼotic tʼujbil xa avuʼunique. Vuʼun ta xcacʼbeic batel carta, yuʼun jech xuʼ chbat yaqʼuic ta Jerusalén li matanal ti yutsil avoʼntonic laj atsobique» (1 Cor. 16:1-3).

Li ta xchibal skarta la stakbe batel ti jaʼ yakʼoj ta naʼel Diose, la xchaʼalbe skʼoplal li matanal takʼine, xi laj yale: «Oy ep cʼusi oy avuʼunic li voʼoxuque, jech acʼo tunuc yuʼunic ec li bochʼo muʼyuc cʼusi oy yuʼunique» (2 Cor. 8:12-15).

Kʼalal la stsʼibabe batel karta li jchʼunolajeletik ta Roma li ta sjabilal 56, tstsuts xaʼox stsobel li matanal takʼine. Xi laj yal li jtakbole: «Liʼ ta orae chibat ta Jerusalén yuʼun chbat cacʼbe comel scoltaelic li yuʼuntac Diose. Yuʼun li jchʼunolajeletic ta Macedonia banamil xchiʼuc liʼ ta Acaya banamile la stsobic cʼusitic oy yuʼunic sventa tscoltaic li yuʼuntac Dios te ta Jerusalén ti abul sbaique» (Rom. 15:25, 26). Echʼ kʼuk sjalil kʼalal tsuts xa ox li yabtele, li Pabloe sut batel ta Jerusalén ti te laj yichʼ chukele, xchiʼuk xi laj yalbe li ajvalil Félix ta Romae: «Yuʼun bat cacʼ matanal ta sventa jchiʼiltac, xchiʼuc bat cacʼ smoton Dios» (Hech. 24:17).

Li Pabloe laj yalbe skʼoplal li kʼusi laj yalik li jchʼunolajeletik ta Macedoniae: «Lic scʼanbicun vocol me xuʼ chcacʼbe spasic li jun abtel sventa tscoltaic li yantic yuʼuntac Diose». Taje jaʼ jech slekil yoʼontonik li jchʼunolajeletik ta baʼyel sigloe, jaʼ yuʼun li jtakbol Pabloe la stijbe yoʼonton li jchʼunolajeletik ta Corinto ti akʼo jech spasike, jech oxal xi laj yalbee: «Jech jujunoxuc aqʼuic ti cʼu yepal chlocʼ ta avoʼntonique. Mu me ta chibeteluc; mu me ta sujeluc xavaqʼuic. Yuʼun jaʼ chcʼanat yuʼun Dios li bochʼo xcuxet noʼox yoʼnton chaqʼue». ¿Kʼusi tijbat-o yoʼonton li tsobobbailetik ti laj yakʼ ta ilel slekil yoʼontonike? Li kʼusi oy ta yoʼontonike «maʼuc noʼox tsta cʼusi scʼan yuʼunic li bochʼotic vocʼbilic yuʼun Dios ti oy svocolique; jaʼ sventa ep chichʼ tojbel ta vocol noxtoc li Diose» (2 Cor. 8:4; 9:7, 12). Xuʼ jech xkakʼtik ta ilel slekil koʼontontik ek, vaʼun li Jeovae chakʼbutik sbendision mi ta sjunul koʼontontik ta jpastike. Ta melel, li sbendision Diose jaʼ jkʼulejaltik kʼotem (Prov. 10:22).

 [Rekuadro ta pajina 9]

EP KʼUTIK YELAN XUʼ XKOLTAVANIK JLOM KRIXCHANOETIK TA SVENTA LI ABTELAL TA SPʼEJEL BALUMILE

Jech kʼuchaʼal ta skʼakʼalil jtakbol Pabloe, li ta jkʼakʼaliltike ep buchʼutik, «[tsvoqʼuic] cʼuuc yepal» xchiʼuk te tstikʼik li ta kaxa ta tsobobbail ti bu chal: «Abtelal ta spʼejel Balumil» (1 Cor. 16:2). Li takʼin tstsob li tsobobbailetike tstakik batel jujun u ta Betel ti jaʼ chkʼelbat yabtelik ta cholmantal li ta slumalike. Li matanal takʼine xuʼ te xichʼ takel batel ta sbi ti kʼuyelan ojtikinbil ta stojolal ajvalil ti tstunes li yajrextikotak Jeovae. Mi chakʼan chanaʼ lek bu jotukal xkome, kʼopojan batel ta Betel ti jaʼ sventainoj li atsobobbail ti bu alumale. Sventa xanaʼe, xuʼ xasaʼ ta Internet ta www.pr418.com/contact. Ti liʼ chkalbetik skʼoplale jaʼ te chal ti kʼuyelan xuʼ xatak batel li matanal takʼine:

DONACIONES INCONDICIONALES

• Xuʼ xavakʼ matanal takʼin, natsʼiletik o yan kʼusitik ti ep sbalile.

• Mi jech chichʼ akʼele skʼan me xichʼ alel batel ta jlik karta ti jaʼ donación incondicional.

DONACIONES CONDICIONALES

• Taje jaʼ smelolal ti xuʼ xichʼ akʼel takʼin ti xuʼ skʼan sutel mi chtun yuʼun li yajvale.

• Mi jech chichʼ akʼele skʼan me xichʼ alel batel ta jlik karta ti jaʼ donación condicional.

DONACIONES PLANIFICADAS

Maʼuk noʼox xuʼ chkakʼtik li kuni takʼintike xchiʼuk yantik kʼusitik ti oy sbalile, li ta olone te chvinaj ti oy to kʼuxi xuʼ jkolta jbatik xtok ta spasel li abtelal ta spʼejel Balumil ta sventa li Ajvalilal yuʼun Diose. Mi chakʼan chatunes jtosukal ti liʼ chichʼ alel ta olone, baʼyel kʼopojan batel ta Betel ti jaʼ sventainoj li alumal bu nakalote, sventa xanaʼ bu jotukal chichʼ akʼel. Ta skoj ti jelajtik li mantaletik yuʼun ajvalile xchiʼuk ti jelajtik ta sventa li patane, skʼan me xasaʼ koltael ta stojolal li buchʼu chanunajem lek ta sventa li mantaletik xchiʼuk li patanetik yuʼun ajvalile, sventa jaʼ xatunes ti bu mas lek chavaʼie.

Seguros. Xuʼ jaʼ xkom ta sbi ti kʼuyelan ojtikinbil ta stojolal ajvalil ti tstunes yajrextikotak Jeova ta sventa li seguro de vida chij-akʼbate o li koltael chkichʼtik kʼalal mi li jlokʼ ta abtele.

Cuentas bancarias. Li certificado de depósito, cuentas bancarias xchiʼuk cuentas personales de jubilación, xuʼ xichʼ akʼbel ta fideicomiso ti ojtikinbil ta stojolal ajvalil ti tstunes yajrextikotak Jeovae, o mi moʼoje jaʼ akʼo xichʼ li jtakʼintik kʼalal mi li jchame jaʼ ti kʼuyelan li mantaletik ta vanko ti bu jlumaltike.

Acciones xchiʼuk bonos. Xuʼ xichʼ akʼbel ta sbi ti kʼuyelan ojtikinbil ta stojolal ajvalil ti tstunes yajrextikotak Jeova ti muʼyuk chichʼ kʼanel sutele. Jech xtok, xuʼ xkom kʼuchaʼal beneficiario mi oy buchʼu chame.

Inmuebles. Xuʼ xichʼ akʼel osil o na ti stakʼ chonele, xuʼ chichʼ akʼel ta donación incondicional, o mi oy to buchʼu te nakale, jaʼ to yuʼun li dominio vitalicio ta sventa li yosil o sna ti buchʼu laj yakʼe, jaʼ xkaltik, ti xuʼ to te xnaki ti kʼu sjalil kuxule.

Donaciones con renta. Li Donaciones con renta taje, jaʼ kʼalal ta jun trato chichʼ akʼbel takʼin (fondos) o svunal osil o na (títulos) ta sbi ti kʼuyelan ojtikinbil ta stojolal ajvalil ti tstunes yajrextikotak Jeovae, li j-akʼ matanal taje, (o jaʼ ti buchʼu vaʼanbil yuʼune) xuʼ chichʼ jun anualidad vitalicia. Li matanaletik chichʼ akʼel taje chjutukaj yuʼun li patan chichʼ tojel jujun jabile.

Testamentos xchiʼuk fideicomisos. Xuʼ xkakʼbe kosiltik, jnatik o jtakʼintik ta sbi ti kʼuyelan ojtikinbil ta stojolal ajvalil ti tstunes yajrextikotak Jeova mi bat jpasbetik lek svunal o stestamentoal ta jun notario o ti ta xkaltik ti jaʼ tstabe sbalil li ta fideicomiso la jpastike. Ti jech chichʼ pasel taje xuʼ me xjutukaj yuʼun li patane.

Jech kʼuchaʼal li «donaciones planificadas» ti xie, jaʼ skʼan xal ti skʼan xchapanbe lek skʼoplal li buchʼu chakʼ matanale. Sventa chichʼ koltael li buchʼutik tskʼan chakʼ uni matanal kʼuchaʼal taje, ti chtun sventa xichʼ pasel li abtelal yuʼunik ta spʼejel Balumil li yajrextikotak Jeovae, yichʼoj chapanel ta inglés xchiʼuk ta español li foyeto Donaciones planificadas para favorecer el servicio del Reino en todo el mundo. Li foyeto taje te chalbe skʼoplal jeltos kʼuyelan xuʼ xkakʼtik matanaletik o ti chkakʼtik li kʼusitik oy kuʼuntike. Yikʼal mu sta-o skotol ta alumal li kʼusi laj yichʼ alel liʼe, yuʼun jelajtik li mantaletik xchiʼuk li patanetik ta jujun lume. Jaʼ yuʼun mi laj xaʼox akʼel li foyetoe, skʼan xasaʼ koltael ta stojolal li buchʼu chanunajem lek ta sventa li mantaletik xchiʼuk li patanetik yuʼun ajvalile. Koliyal ti oy ep kʼutik yelan xuʼ xakʼik li matanal takʼine, ep krixchanoetike skoltaoj sbaik li ta abtelal sventa relijion xchiʼuk ta sventa li skoltael krixchanoetik ti yakal ta jpastik ta spʼejel Balumile, xchiʼuk ep staojbeik sbalil xtok ti jech tspasike (beneficios fiscales). Mi oy li foyeto ta alumale, xuʼ xakʼanbe li sekretario ta atsobobbaile.

Mi chakʼan to chanabe mas skʼoplale, tsʼibajan batel o kʼopojan batel ta Ofisina sventa Matanaletik ti Chapanbil lek skʼoplale (Oficina de Donaciones Planificadas), liʼ chkaltik batel ti bu stukʼile o mi moʼoje kʼopojan batel ta Betel ti sventainoj alumale.

CHARITABLE PLANNING OFFICE

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Telefono: (845) 306-0707

[Lokʼol ta pajina 8]