Jun tseb ti lek kʼanbile
Chanubtaso avalab anichʼnabik
Jun tseb ti lek kʼanbile
TA JLOʼILTABOT jun loʼil ta sventa jun tseb ti toj lek skʼoplale. Taje jaʼ li stseb Jeftee. Li ta Vivliae chalbutik kʼusi kʼot ta pasel ta stojolal manchuk mi muʼyuk chalbutik kʼusi sbi. Jkʼeltik batel ta komon li sloʼilal Jefté xchiʼuk stsebe. Te chavakʼ venta ti kʼanbil tajek yuʼun Jeova xchiʼuk li yamigatake.
Li loʼil taje te ta jtatik ta kapitulo 11 ta slivroal Jueces. Ta skoj ti chtun ta stojolal Dios li Jeftee, xuʼ jchʼuntik ta melel ti tskʼelilanbe sKʼop Dios li stsebe, jech kʼuchaʼal ch-albatik mantal li totil-meʼiletik ta Israele.
Ta skʼakʼalil li Jeftee, muʼyuk toʼox ajvalil yuʼunik sventa xpasatik ta mantal li j-israeletike. Ta skoj ti oy svokolike, tskʼanik oy buchʼu xbeiltasatik. Yuʼun oy xa skʼakʼalil chlajik ta ilbajinel yuʼun li yajkontraike, jaʼ li j-amonetike. Ta skoj ti tsots yoʼonton xchiʼuk chanem ta pas kʼop li Jeftee, li j-israeletike jaʼ la skʼanbeik koltael.
Li Jeftee tskʼan tajek chichʼ koltael yuʼun Jeova li ta pas kʼope, jech oxal, oy kʼusi laj yal ta melel tspas mi kuch yuʼunike. Laj yalbe ta melel Jeova ti mi koltaat li ta spas kʼope, ti buchʼu baʼyel chlokʼ tal ta sna sventa chtal nupatuk ta be kʼalal mi sut tale, jaʼ chakʼbe smotonin. Li buchʼu baʼyel chlokʼ tal ta snae, chbat nakluk xchiʼuk chbat tunuk sjunul xkuxlejal li ta chʼulna pasbil ta nukule, ti jaʼ toʼox te chkʼot yichʼik ta mukʼ Dios li krixchanoetike. ¿Mi kuch yuʼun pas kʼop li Jeftee? Kuch yuʼun. ¿Mi xa naʼ buchʼu ti baʼyel tal nupvanuk ta bee? *...
Jech, jaʼ li stsebe. Ta slikebale li Jeftee laj yat tajek yoʼonton, yuʼun kʼajomal noʼox jun xnichʼon oy. Pe oy kʼusi yalojbe ta melel li Jeovae, jech oxal skʼan jech tspas. Li stsebe muʼyuk la stoy sba, moʼoj, laj yalbe stot ti akʼo spas li kʼusi laj yalbe Diose. Laj yalbe stot ti akʼo xkoltaat batel chib u sventa xbat yokʼita sba li ta vitstike. ¿Kʼu yuʼun? Yuʼun chat tajek yoʼonton. Snaʼoj ti kʼalal mi bat nakluk li ta chʼulna pasbil ta nukule muʼyuk xa chnupun xchiʼuk muʼyuk chil yol. Xuʼ jnoptik ta melel ti tskʼan ox chnupun xchiʼuk chil yalabe. Pe li kʼusi mas tsots skʼoplal oy ta yoʼonton spasele, jaʼ ti chchʼunbe smantal li stote xchiʼuk ti tukʼ chakʼ sba ta stojolal Jeovae. ¿Mi mu jechuk xa naʼ ti xmuyubaj tajek Jeova xchiʼuk Jefté ta stojolal li tseb taje?...
Li Jeftee la skolta batel chib u xchiʼuk li yamigatake. Kʼalal sut tale, la spas jech kʼuchaʼal laj onoʼox yalbe li Jeovae, la stak batel li ta chʼulna pasbil ta nukule. Li tsebetik ta Israele chkʼot svulaʼanik jayibuk velta ta jabil sventa tspatbeik yoʼonton li stseb Jeftee. Te chkʼotik ta Silo, jaʼ li bu oy li chʼulna pasbil ta nukule. Te itun sjunul xkuxlejal.
¿Mi xavojtikin yan kerem-tsebetik ti chchʼunbeik smantal stot smeʼik xchiʼuk ti skʼanojik li Jeovae?... Lek ti jaʼ xavamigoane. Sventa jech xa pas taje skʼan jechukot kʼuchaʼal li stseb Jeftee: skʼan xa chʼunbe smantal li atot ameʼe xchiʼuk ti tukʼ xavakʼ aba ta stojolal Jeovae. Jech taje, xuʼ xmuyubaj tajek li atot xchiʼuk ameʼe, jech xtok cha skʼanot tajek li Jeovae.
Ti bu xuʼ jkʼeltik ta Vivliae
[Tsʼib ta yok vun]
^ Mi yakal cha kʼel xchiʼuk jun olol li loʼil liʼe, pajan jlikeluk li bu oy oxib puntoetike, xchiʼuk tijbo yoʼonton akʼo yal ta skʼop stuk li sloʼile.
Xuʼ van chakʼupin skʼelel xtok liʼe
PASO TA AVAMIGO LI JEOVAE
Chʼunbo smantal atot ameʼ
¿Kʼu yuʼun skʼan jchʼunbetik smantal li jtot jmeʼtike? Kʼelo li video liʼe, vaʼun koʼol chatabe stakʼobil xchiʼuk li Calebe.
PASO TA AVAMIGO LI JEOVAE
Chʼunbo smantal Jeova
¿Mi oy ta yoʼonton Jeova li kʼusi chkixtolantike? Li ta video liʼe te chavil kʼuxi tspas ta yamigo Jeova li Calebe.