«¿Mi tsokes–o van balumil li krixchanoetike?»

●Kʼalal ta jkʼeltik yalel tal li Balumil bu nakalutike, toj echʼ noʼox alakʼ sba, yuʼun xkoʼolaj kʼuchaʼal kʼupil sba ton ti saksaktik xyaxal xvinaje. Pe kʼalal ta jkʼeltik lek ta nopole, te chkakʼtik venta ti oy ta vokole. Pe kʼalal ta jkʼeltik lek ta nopole, te chkakʼtik venta ti oy ta vokole. ¿Kʼu yuʼun? Taje mu tsotsuk ta takʼel: yuʼun li krixchanoetike mu xtojobik skʼelel li Balumile. Yuʼun maʼuk noʼox tsokesik–o ti chikʼubtasik li osil–balumile, ti ep chchikʼik o tslomesik teʼetike xchiʼuk li kʼusitik chlokʼ ta Balumile, yuʼun ta skoj ti oy majbaile, li smalel chʼiʼchʼe xchiʼuk li mulivajele, oy chopolal ta talelalil xchiʼuk ta mantal.

Li kʼusitik yakal chkʼotanuk ta pasel ti chakʼ at–oʼontone, oy xa mas ta chaʼmil jabil yichʼoj albel tal skʼoplal ta Vivlia (2 Timoteo 3:1–5; Apocalipsis 11:18). Jech noxtok laj yichʼ albel skʼoplal ti jaʼ Dios ti chchapan li kʼusitik taje, maʼuk li krixchanoetike. Li kʼusi laj xa kalbetik skʼoplale jaʼ te chichʼ albel mas smelolal li ta mantal sventa skotol krixchanoetik ti xi sbie: «¿Mi tsokes–o van Balumil li krixchanoetike?», li ta mukʼta tsobajel yuʼun yajrextikotak Jeova ti jaʼ sbi: «Akʼo taluk li Ajvalilal yuʼun Diose». Li mukʼta tsobajeletik taje lik echʼuk ta Estados Unidos ta mayo xchiʼuk jech chichʼ pasel–o batel ta spʼejel Balumil.

Chavichʼ takel ta ikʼel sventa xabat li ta mukʼta tsobajel ti bu mas nopol xavile. Sventa xanabe mas skʼoplale jakʼbo li yajrextikotak Jeova ti bu nakalote o li buchʼu tslokʼes li revista liʼe. Li ta Internet www.pr418.com te cha tabe mas yaʼyejal ti butik ch–echʼ li mukʼta tsobajeletik ta Canadá xchiʼuk ta Estados Unidose.