Jchabi li koʼontontike
Jchabi li koʼontontike
Mukʼta Tsobajel ta oxib kʼakʼal yuʼun yajrextikotak Jeova
LI KʼUSI CHICHʼ ALBEL SKʼOPLAL TA VIERNESE
«Li vuʼune jaʼ ta jqʼuelbe cʼu xʼelan yut yoʼnton» (1 SAMUEL 16:7)
LI KʼUSI CHICHʼ ALBEL SKʼOPLAL TA SABADOE
«Yuʼun li cʼusi oy ta avoʼntonique jaʼ jech chlocʼ ta aveic» (MATEO 12:34)
LI KʼUSI CHICHʼ ALBEL SKʼOPLAL TA DOMINGOE
«Ta sjunuluc avoʼnton, tunan ta stojol [Jeova]» (1 CRÓNICAS 28:9)
Li ta Vivliae jutuk mu jmiluk ta velta chalbe skʼoplal li oʼontonale. Jutuk mu skotoluk veltae maʼuk chalbe skʼoplal li batsʼi oʼontonale. Vaʼun chaʼa, ¿kʼusi oʼontonal chalbe skʼoplal? Jaʼ chalbe skʼoplal li kʼusitik ta jnoptike, li kʼuyelan chkaʼi jbatike xchiʼuk li kʼusi ta jkʼantike.
¿Kʼu yuʼun skʼan jchabitik li oʼontonal chalbe skʼoplal Vivliae? Li ajvalil Salomone xi akʼbat stsʼiba yuʼun Diose: «Li cʼusi tsots scʼoplal ta scotole jaʼ tscʼan chanop lec li cʼusi chaticʼ ta avoʼntone, yuʼun jaʼ te chlic tal li acuxlejale» (Proverbios 4:23). Jaʼ yuʼun sventa lek xijkuxi avie xchiʼuk li ta mas jelavele, tsots skʼoplal ti jchabitik li oʼontonal chalbe skʼoplal Vivliae. Yuʼun li Diose xil onoʼox skotol li kʼusi oy ta koʼontontike (1 Samuel 16:7). Jaʼ yuʼun, ta skoj ti kʼuyelan li koʼontontike xuʼ lek o chopol chilutik li Diose (1 Pedro 3:4).
Vaʼun chaʼa, ¿kʼuxi xuʼ jchabitik li oʼontonal chalbe skʼoplal Vivliae? Li ta mukʼta tsobajeletik chichʼ pasel-o batel ta spʼejel Balumil li jabil liʼe te tstakʼ li sjakʼobil taje. Chavichʼ takel ta ikʼel sventa xabat ta yoxibal kʼakʼal li ta mukʼta tsobajele. * Te chachan kʼuxi xuʼ xamuyubtabe yoʼonton Dios ta sventa ti kʼuyelan akuxlejale (Proverbios 27:11).
[Tsʼib ta yok vun]
^ par. 11 Sventa xanabe skʼoplal junuk mukʼta tsobajel ti nopol ch-echʼ ti bu nakalote kʼelo ta Internet www.pr418.com. Jech xtok, xuʼ xajakʼbe yajrextikotak Jeova ti bu nakalote o li jtsʼibajometik yuʼun li revista liʼe.
[Stojel ta vokol ta pajina 32]
Lokʼol ta batsʼikʼob: Aus dem Fundus der MÜNCHNER OLYMPIAPARK GMBH (Múnich)
