Li Vivliae chal ti jmulavilutike. Taje jaʼ ta skoj li Adane, li baʼyel vinike. Jaʼ yuʼun, bakʼintike oy kʼusitik chopol ta jpastik, vaʼun ta tsʼakale chopol chkaʼi jbatik yuʼun. Kʼalal cham ta jtojolaltik li Jesucristoe, li Xnichʼon Diose, jech la stoj li jmultike. Ta skoj taje xuʼ jtatik perton ta sventa li jmultike xchiʼuk jaʼ jun matanal yakʼojbutik li Diose. (Kʼelo Romanos 3:​23, 24.)

Jlome spasoj tsots smulik, jech oxal tsjakʼbe sbaik mi ta onoʼox van x-akʼatik ta perton yuʼun li Diose. Jaʼ jun muyubajel ti xi chalbutik li Vivlia: «Chispocbutic loqʼuel scotol jmultic ta xchʼichʼal Xnichʼon, jaʼ li Jesuse» (1 Juan 1:7). Ta sjunul yoʼonton chakʼutik ta perton Jeova mi la jsutes koʼontontik ta melele, manchuk mi toj tsotsik li jmultike. (Kʼelo Isaías 1:​18.)

Mi ta jkʼantik lek chilutik li Jeovae, skʼan xkojtikintik, jnaʼtik li kʼusitik tspase, kʼuyelan chtojobtasvan xchiʼuk ti jnaʼtik li kʼusi tskʼanbutike (Juan 17:3). Ta slekil yoʼonton chakʼ ta perton li buchʼu tsutes yoʼonton ta sventa smule xchiʼuk ti chakʼ persa chjele. (Kʼelo Hechos 3:​19.)

Mu toj vokoluk sventa lek chilutik li Diose. Yuʼun snaʼ bu kʼalal xuʼ kuʼuntik li Jeovae. Oy xkʼuxul yoʼonton xchiʼuk slekil yoʼonton. Ti jech oy xkʼuxul yoʼontone, ¿mi mu jaʼuk tstij avoʼonton sventa xachan kʼusi xuʼ xapas yoʼ lek xilote? (Kʼelo Salmo 103:​13, 14.)