KʼUSITIK CHICHʼ JAKʼEL TA SVENTA VIVLIA

¿Kʼu yuʼun skʼan jkʼanbetik Dios ti akʼo xtal li Ajvalilal yuʼune?

Li Ajvalilal yuʼun Diose jaʼ jun ajvalil ti te oy ta vinajele. Li Jesuse laj yalbe yajtsʼaklomtak ti akʼo spasik orasion sventa xtal li Ajvalilal yuʼun Dios yoʼ xichʼ talel tukʼilal xchiʼuk jun oʼontonal liʼ ta Balumile. Mi junuk ajvalil liʼ ta Balumil xuʼ slajesbe skʼoplal li majbaile, ti muʼyuk tukʼilale o li chameletike, pe li Ajvalilal yuʼun Diose xuʼ tslajes xchiʼuk ta onoʼox spas. Li Diose jaʼ la stʼuj li Xnichʼon sventa ch-och ta ajvalil li ta Ajvalilal yuʼune xchiʼuk stʼujoj jtsop yajtsʼaklomtak Cristo sventa jmoj ch-ajvalilajik xchiʼuk Jesús li ta Ajvalilale. (Kʼelo Lucas 11:2; 22:28-30.)

Li Ajvalilale poʼot xa tslajesbe skʼoplal skotol li yajkontratak Diose. Jaʼ yuʼun kʼalal ta jkʼantik ti akʼo xa xtale, yakal ta jkʼanbetik Dios ti jaʼ xa akʼo spas mantal li Ajvalilal yuʼune, ti mu jaʼuk xa li ajvaliletik liʼ ta Balumile. (Kʼelo Daniel 7:13, 14; Apocalipsis 11:15, Ch; 11:18.)

¿Kʼu yuʼun tstabeik sbalil krixchanoetik li kʼusitik tspas Li Ajvalilal yuʼun Diose?

Li Jesuse jaʼ noʼox stuk sta-o x-och ta ajvalil yuʼun oy xkʼuxul yoʼonton ta stojolal li krixchanoetike. Ta skoj ti jaʼ Xnichʼon Dios xtoke, oy sjuʼel sventa skolta skotol li buchʼutik tskʼanbeik koltael li Stote. (Kʼelo Salmo 72:8, 12-14.)

Skotol li buchʼutik tspasik li kʼusi tskʼan Diose xchiʼuk ti ta sjunul yoʼonton tskʼanik ti akʼo xtal li Ajvalilal yuʼune tstaik epal bendisionetik. Chano li kʼusi chal Vivlia ta sventa li ajvalil taje. Mi jech chapase muʼyuk bu xanaʼet ta tsʼakal. (Kʼelo Lucas 18:16, 17; Juan 4:23.)

Mi chakʼanbe to mas yaʼyejale kʼelo li kapitulo 8 ta livro ¿Kʼusi chchanubtasvan ta melel li Vivliae?, ti pasbil yuʼun stestigotak Jeovae

Xuʼ xayales ta www.pr418.com/tzo