LI JKʼEL˗OSIL TA TOYOLE Enero ta 2015 | ¿Mi oy van jun ajvalil ti mu xchon sbae?
Jutuk mu skotoluk li ajvaliletik ta sba balumile tsnopik ti bu mas oy chonbail ta takʼine jaʼ li ta j-abteletik sventa ajvaliletike. ¿Mi vaychil noʼox van ti xuʼ oy jun ajvalil ti mu xchon sba ta takʼine?
MANTAL TA SLIKEBALTIK PAJINA
Li chonbail ta takʼine: jaʼ jun chamel ti pukem tajeke
Mu xa noʼox albajuk li vokolile.
MANTAL TA SLIKEBALTIK PAJINA
Li Ajvalilal yuʼun Diose: jaʼ jun ajvalil ti mu xchon sba ta takʼine
Chano vaktos srasonal ti kʼu yuʼun xuʼ jpat koʼontontik ti mu xchon sba ta takʼin li Ajvalilal yuʼun Diose.
JELBAT-O XKUXLEJALIK YUʼUN LI VIVLIAE
Li kʼusitik la jchan ta Vivliae, la stakʼ li kʼusitik ta jkʼan ta jnaʼe
Mayli Gündel laj yik ta sba ta xchʼunel Dios kʼalal cham li stote. ¿Kʼuxi ayan yan velta li xchʼunel yoʼontone xchiʼuk ti jun yoʼontone?
¿Kʼusi xuʼ xapas yoʼ junuk yoʼonton li avajnile?
Sventa junuk yoʼonton li avutsʼ avalale, maʼuk tsots skʼoplal ti lekuk oyoxuk ta takʼine.
¿Mi anaʼoj xa?
¿Kʼusi skʼan xal kʼalal kapon xi li ta Vivliae? ¿Kʼu yuʼun chchʼak xchijik ta stojolal tentsunetik li jchabichijetik ta skʼakʼalil Vivliae?
¿Mi jaʼ van skʼan jkʼopontik ta orasion li Jesuse?
Jaʼ chakʼbutik stakʼobil li Jesuse.
Kʼusitik chichʼ jakʼel ta sventa Vivlia
¿Mi spasojutik Dios o mi ta chonbolom talemutik?
Yan aʼyejetik ta Internet
¿Kʼusi chal Vivlia ta sventa li buchʼutik chnupunik ti xchiʼil noʼox sbaik ta antsil o vinikale?
Li Dios ti jaʼ la slikes li nupunele snaʼoj kʼusi chtunik yuʼunik sventa xmuyubajikuk noʼox li buchʼutik chnupunike.
