Kʼusitik chichʼ jakʼel ta sventa Vivlia
¿Mi chlekub van li jkuxlejaltik ta jelavele?
Koliyal ti laj yakʼ sba ta mantanal li Jesuse chijkuxiutik ta jun Balumil ti chʼabal xa buchʼu tsa kʼusi tskʼan stuke. ¿Kʼuxi chkʼot ta pasel taje?
Li sientifikoetike ep to kʼusitik yakal tspasik batel. Pe skotol li kʼusitik tspasik taje ¿mi chlekub-o van xkuxlejalik li krixchanoetike? Muʼyuk. Li avie solel ep ti buchʼutik jaʼ noʼox tsaʼik li kʼusi tskʼan stukike. Akʼo mi jech, li Diose oy kʼusi snopoj tspas ta stojolal li krixchanoetike. (Kʼelo 2 Pedro 3:13.)
Li Vivliae chal ti ch-ayan kʼanelal ta spʼejel Balumil li ta jelavele. Jun xa yoʼonton li krixchanoetike xchiʼuk muʼyuk xa buchʼu chakʼbe svokol xchiʼil. (Kʼelo Miqueas 4:3, 4.)
¿Kʼuxi chichʼ lajesbel skʼoplal li saʼel kʼusi tskʼan oʼontonale?
Kʼalal pasat yuʼun Diose li Adane, li baʼyel vinike, muʼyuk toʼox jech ti jaʼ tspas li kʼusi tskʼan stuke, yuʼun jaʼ toʼox tukʼil krixchano. Pe kʼalal muʼyuk la xchʼunbe smantal li Diose muʼyuk xa stukʼil kom. Jaʼ la sjelubtasbutik tal ti muʼyuk jtukʼiltike xchiʼuk li saʼel kʼusi tskʼan koʼonton jtuktike. Akʼo mi jech, li Diose tspasutik ta tukʼil krixchano ta stojolal Jesus. (Kʼelo Romanos 7:21, 24, 25.)
Kʼalal la stoy sba li baʼyel vinike laj yichʼ tal vokolil. Pe sventa xichʼ tupʼbel skʼoplale, li Diose laj yakʼ ta matanal li Jesuse (Romanos 5:19). Koliyal ti laj yakʼ sba ta matanal li Jesuse, xuʼ staik lekilal ta jelavel li krixchanoetik ti bu chʼabal xa buchʼu tspas kʼusi tskʼan yoʼonton stukik xchiʼuk chlaj skʼoplal li mulile. (Kʼelo Salmo 37:9-11.)
Xuʼ van chakʼupin skʼelel xtok liʼe
LI JKʼEL˗OSIL TA TOYOLE
Chkʼot ta pasel li kʼusitik albile
Li albil kʼopetik chal ta Vivliae kʼotemik ta pasel xchiʼuk li yan albil kʼopetike chal li kʼusitik chkʼot ta pasel ta jtojolaltike.
LI JKʼEL˗OSIL TA TOYOLE
Jutuk xa skʼan xakʼbe slajeb vokoliletik li Diose
¿Kʼu yuʼun jnaʼojtik ti jutuk xa skʼan xakʼbe slajeb vokoliletik li Diose xchiʼuk li kʼusitik muʼyuk tukʼe?
