Ta skoj ti toj echʼ xa noʼox povreale ta smiyonal xa noʼox krixchanoetik chchamik jujun jabil ta viʼnal xchiʼuk ta chameletik. Akʼo mi oy mukʼtik lumetik ti jkʼulejike, pe ep buchʼutik ti solel povreike. Li Vivliae chal ti jaʼ onoʼox li kʼusi chil-o svokol li krixchanoetike. (Kʼelo Juan 12:8.)

Sventa xlaj skʼoplal li povreale skʼan ti oyuk jun ajvalil ta spʼejel Balumil ti koʼoluk xchʼak li kʼusitik oye. Li ajvalil xtoke chakʼbe slajeb li paskʼop ti jaʼ chakʼ oyuk povreale. Taje jaʼ li ajvalilal yaloj chakʼ ta melel li Diose. (Kʼelo Daniel 2:44.)

Li Diose stʼujoj li Xnichʼon, ti jaʼ li Jesukristo, sventa x-ajvalilaj ta stojolal li krixchanoetike (Salmo 2:4-8). Li Jesuse ta skolta li povreetike xchiʼuk tslajes li ilbajinele xchiʼuk li majbaile. (Kʼelo Salmo 72:8, 12-14.)

Li Jesukristo, ti jaʼ «Jʼacʼ-Jun-Oʼntonal», ta xakʼ ti akʼo oyuk jun oʼontonal ta spʼejel Balumil xchiʼuk ti muʼyuk xa kʼusi ta jvul-o koʼontontike. Vaʼun skotol li krixchanoetike ta skʼupinik lek snaik, yabtelik xchiʼuk epal veʼlil. (Kʼelo Isaías 9:6, 7; 65:21-23.)