¡VIK’ILUK ME JSATIK!

Butikuk xa no’ox chnojik ta vo’ | ¿K’usi chal li Vivliae?

CHICHʼ TIJEL TA

Avie oy epal lumetik ti yakal chnojanuk ta vo’e. Ak’o avil venta li k’usi chal li junantik notisia li’e:

«Li ech’ tal k’ak’ale, toj ech xa no’ox tsots laj yak tal vo’ li ta kapital yu’un Chinae. Oy xa ta 140 jabil ti mu’yuk bu jech ilbil-oe. Li ta savado k’alal ta mierkolese laj yak’ 745 litro vo’ ta jun metro kuadrado» (AP News, 2 yu’un agosto ta 2023).
«Li ta sural Japone, chib to k’ak’al tsots ech’ tsatsal ik’alo’. Ta skoj taje, chamik chavo’ krixchanoetik. Ta skotole xu’ van xyal tal vakib sien litro vo’ ta metro kuadrado li ta vitstikaltik ta Taiwane» (Deutsche Welle, 3 yu’un agosto ta 2023).
«Li ta Nueva Escociae nojik ta vo’ ta skoj ti toj ech’ xa no’ox laj yak’ vo’ li ta savado xchi’uk ta domingoe. Oy xa ta 50 jabil ti mu’yuk-o jech yak’oj vo’ li’e» (BBC News, 24 yu’un julio ta 2023).

¿K’usi chal Vivlia ta sventa li k’usitik yakal chk’ot ta pasele?

Ja’ svinajeb ti ta slajebal xa k’ak’al kuxulutike

Li Vlivliae chal ti ta ‹slajebal xa k’ak’al kuxulutike› (2 Timoteo 3:1). Li Jesuse laj yal ti ‹chich’ ilel k’usitik toj xibal sba› li avie (Lukas 21:11). Ta skoj ti jelem xa tajek sikil xk’ixnal li balumile, toj ech’ xa no’ox tsotsik chak’ vo’.

Chak’ spatobil ko’ontontik

Li Vivliae chal ti skotol li k’usitik toj xibalik sba chk’ot ta pasel avie ja’ svinajeb ti oy k’usi po’ot xa lek chtale. ¿K’uxi jna’ojtik taje? Yu’un xi laj yal li Jesuse: «Kʼalal chavilik chkʼot ta pasel li kʼusitik taje, naʼik me ti nopol xa li Ajvalilal yuʼun Diose» (Lukas 21:31; Mateo 24:3).

Skotol li k’usi yakal chk’ot ta pasel avie chak’ ta ilel ti jutuk xa sk’an sventain k’usi chk’ot ta pasel li’ ta balumil li Ajvalilal yu’un Diose, jech k’ucha’al ti ta p’isbil no’ox ti k’u yepal chak’ vo’e (Job 36:27, 28; Salmo 107:29).

Mi chak’an to chana’ k’usi tspas li Ajvalilal yu’un Dios sventa smeltsan li balumile, k’elo li mantal «¿Buchʼu noʼox xuʼ xlekub yuʼun li jbalumiltike?»