KAMPAÑA TI STUK NOʼOX JECHE
Li chameletike | ¿Kʼusi tspas li Ajvalilal yuʼun Diose?
«Akʼo mi muʼyuk xa buchʼu mas tsots x˗ipaj ta skoj li COVID˗19, pe te kom˗o li chamel taje. […] Skʼan ti chapalutik xa noʼoxe, yuʼun ta onoʼox xlik yan tsatsal chamel ta tsʼakal» (Tedros Adhanom Ghebreyesus, director general yuʼun li Organización Mundial de la Salud, 22 yuʼun mayo ta 2023).
Ta skoj li COVID˗19, epal krixchanoetik jech˗o ip komik xchiʼuk mu xa junuk yoʼonton chaʼi sbaik. ¿Mi chapalik van li ajvaliletik xchiʼuk li organisasionetik ti tskʼelbeik skʼoplal chameletik mi lik yan tsatsal chamele? O ¿mi oy van kʼusi stakʼ spasik sventa xlaj skʼoplal li chameletik oy avie?
Xi chal li Vivliae: «Li Dios te oy ta vinajele tsvaʼan jun ajvalilal». Li Ajvalilal taje tslajesbe skʼoplal li chameletike (Daniel 2:44). «Mi junuk jnaklej ta balumil xi chale: ‹Toj ipun›» (Isaias 33:24). Jkotoltik muʼyuk xa kʼusi ip chkaʼitik xchiʼuk oy xa noʼox lek kipaltik kʼuchaʼal li kerem tsebetike (Job 33:25).