Kʼalal ay ta balumil li Jesukristoe laj yakʼ ta ilel ti skʼanojutik tajeke, yuʼun laj yakʼ xkuxlejal ta jtojolaltik (Mateo 20:28; Juan 15:13). Poʼot xa xakʼ ta ilel yan velta xtok ti skʼanojutike. Ta skoj ti jaʼ Ajvalil li ta Ajvalilal yuʼun Diose, «tslajesbe skʼoplal li paskʼopetik ta spʼejel balumile» (Salmo 46:9).

 Kʼelo ta Vivlia li kʼusitik tspas Jesus ta tsʼakale:

•    «Tspoj li povreetik ti x˗avet tskʼanik koltaele, tspoj xtok li buchʼu bikʼit yakʼoj sbae xchiʼuk li buchʼu muʼyuk jkoltavanej yuʼune. Chkʼuxubaj ta yoʼonton li buchʼutik bikʼit yakʼoj sbaike xchiʼuk li buchʼutik abol sbaike, jech xtok, chchabibe xkuxlejal li buchʼutik abol sbaike. Chpojatik kʼalal chichʼik ilbajinele xchiʼuk kʼalal tstsakatik ta kʼope» (Salmo 72:12-14).

 ¿Kʼuxi xuʼ jtojbetik ta vokol li kʼusi la spas Jesus ta jtojolaltike xchiʼuk li kʼusi tspas ta jelavele? Li ta Lukas 22:19, li Jesuse laj yalbe yajchankʼoptak ti staik ta naʼel li skʼakʼalil slajele. Jaʼ yuʼun, li stestigotak Jeovae jujun jabil tstsob sbaik sventa svules ta sjolik. Ta jtijkutik avoʼonton ti xtal achiʼinunkutik li ta Snaʼobil slajel Kristoe ti chjelav kuʼunkutik ta domingo 24 yuʼun marso ta 2024.

Bu ch˗echʼ li Snaʼobil slajel Kristoe