KAMPAÑA SVENTA KONMEMORASION
Li Jesuse chkʼuxubin li buchʼu abol sbae
Kʼalal ay ta balumil li Jesuse, laj yakʼ ta ilel ti skʼanoj tajek li krixchanoetike, mas to li buchʼutik abol sbaik xchiʼuk ti chil svokolike (Mateo 9:36). Jaʼ yuʼun, laj yakʼ xkuxlejal ta stojolal yantik (Mateo 20:28; Juan 15:13). Ta skoj ti jaʼ xa Ajvalil li Jesuse, jutuk xa skʼan sventa slajesbe skʼoplal li povreal ta spʼejel balumile, vaʼun jaʼ jech chakʼ ta ilel yan velta ti skʼanojutik tajeke.
Li Jesuse chakʼ kʼotuk ta pasel li kʼusi chal Vivlia liʼe:
«Akʼo pakbatuk skʼoplalik yuʼun ajvalil li buchʼutik abol sbaik ta jteklume, akʼo skoltabe xnichʼnabtak li buchʼutik abol sbaike» (Salmo 72:4).
¿Kʼuxi xuʼ jtojbetik ta vokol Jesus li kʼusi la spas ta jtojolaltike xchiʼuk li kʼusi tspas ta jelavele? Li ta Lukas 22:19, li Jesuse laj yalbe yajchankʼoptak ti staik ta naʼel li skʼakʼalil slajele. Jaʼ yuʼun, li stestigotak Jeovae tstsob sbaik jujun jabil sventa svules ta sjolik. Ta jtijkutik avoʼonton sventa xtal achiʼinunkutik li ta Snaʼobil slajel Kristo ti chjelav ta domingo 24 yuʼun marso ta 2024.