Kʼalal ay ta balumil li Jesuse, laj yichʼ ilbajinel yuʼun chopol krixchanoetik. Jecheʼ tikʼbat smul, la smajik, muʼyuk tukʼ la xchapanik xchiʼuk toj abol sba kʼu yelan la smilik. Akʼo mi jech laj yichʼ pasbel, ta sjunul yoʼonton laj yakʼ xkuxlejal «kʼuchaʼal pojelal sventa tspoj epal krixchanoetik» (Mateo 20:28; Juan 15:13) Ta skoj ti jaʼ xa Ajvalil li Jesuse, jutuk xa skʼan sventa slajesbe skʼoplal li j-ilbajinvanejetike, vaʼun ch-ayan lekilal ta spʼejel balumil (Isaias 42:3).

 Li Vivliae chal kʼu yelan jkuxlejaltik kʼalal mi chʼabal xa ox buchʼu ch-ilbajinvane:

•    «Chchʼay skʼoplal li buchʼutik toj chopolike; chakʼel to ti bu toʼox oyike, pe chʼabal xa te oyik. Yan li manxoetike jaʼ chuʼuninik li balumile xchiʼuk tskʼupinik tajek li jun oʼontonal ti muʼyuk spajebe» (Salmo 37:10, 11).

 ¿Kʼuxi xuʼ jtojbetik ta vokol Jesus li kʼusi la spas ta jtojolaltike xchiʼuk li kʼusi tspas ta jelavele? Li ta Lukas 22:19, li Jesuse laj yalbe yajchankʼoptak ti staik ta naʼel li skʼakʼalil slajele. Jaʼ yuʼun, li stestigotak Jeovae tstsob sbaik jujun jabil sventa svules ta sjolik. Ta jtijkutik avoʼonton sventa xtal achiʼinunkutik li ta Snaʼobil slajel Kristo ti chjelav ta domingo 24 yuʼun marso ta 2024.

Bu ch-echʼ li Snaʼobil slajel Kristoe