Ep krixchanoetike chalik ti muʼyuk chkʼot skʼakʼalil ti jmoj oyutike.

•    «Li tʼujbaile xkoʼolaj kʼuchaʼal veneno, yuʼun tstijbe yoʼonton krixchanoetik sventa mu xa lekuk xil sbaik o spʼaj sbaik ta skoj ti kʼu yelan stalel xkuxlejalike» (António Guterres, secretario general de las Naciones Unidas).

 ¿Mi chkʼot van skʼakʼalil ti muʼyuk xa tstʼuj sbaik li krixchanoetike? ¿Kʼusi chal li Vivliae?

 Li Vivliae chal ti k’u yelan chil Dios ti jelajtik stsʼunbal li krixchanoetike.

•    «Li Diose ta jun no’ox vinik la spas krixchanoetik ta skotol lumetik sventa akʼo nakiikuk ta spʼejel li balumile» (Echos 17:26).

•    «Ta skoj taje, xi lik yal li Pedroe: ‹Ta melel xkaʼibe xa smelolal ti mu sna’ xtʼujvan li Diose. Yuʼun buyuk no’ox slumal lek ilbil li buchʼu chiʼta xchiʼuk ti tspas k’usi tukʼe›» (Echos 10:34,35).

 Li Vivliae chak’ kiltik ti skotol li krixchanoetike jaʼik jun utsʼ alalil xchiʼuk ti Diose xchʼam skotol, mu ventauk bu likemik tal.

 Li Ajvalilal yuʼun Diose ti jaʼ jun ajvalil te ta vinajele jaʼ noʼox stuk ti xuʼ stsob yuʼun li krixchanoetike. Yuʼun chchanubtas ti kʼu yelan skʼan xil sbaik ta jujuntale. Li krixchanoetike kʼunkʼun chlokʼ ta yoʼontonik li pʼajbaile xchiʼuk chlik skʼan sbaik.

•    «Li jnaklejetik ta balumile ta xchanik ta sventa li tukʼilale» (Isaias 26:9).

•    «Li sbalil chichʼ tabel li melel tukʼilale jaʼ li jun oʼontonale, li kʼusi chakʼ kʼotuk ta pasel li melel tukʼilale jaʼ ti muʼyuk kʼusi jnaʼtik xchiʼuk ti jun koʼontontik ta sbatel osile» (Isaias 32:17).

 Li avie, ta smiyonal noʼox krixchanoetik yakal chchanik ta Vivlia ti kʼu yelan skʼan xil sbaik xchiʼuk li yantike.

•    Sventa xanabe mas skʼoplale, kʼelo li revista ¡Vikʼiluk me jsatik! ti xi sbie: «Mu kʼusi chopol xanop ta stojolal yantik».

•    Sventa xanaʼ kʼuxi xuʼ xavalbe skʼoplal li pʼajbaile, kʼelo li mantal ti xi sbie: «¿Kʼuxi xuʼ xaloʼiltabe avalab anichʼnab ta sventa li pʼajbaile?».