Li ta 27 yuʼun enero ta 2023, epal krixchanoetik tsvules ta sjolik li Día Internacional en Memoria del Holocausto. Ta skoj ti toj ep buchʼutik lajik ta milel yuʼun jnazietik (Holocausto) leʼ xa mas ta 75 jabile, xuʼ van xi chajakʼbe abae: «¿Kʼu yuʼun laj yakʼ permiso Dios ti jech xkʼot ta pasele?».

•    Sventa xanaʼ kʼusi chal li Vivliae, kʼelo li mantal ti xi sbie: «¿Kʼu yuʼun ep lajik ta milel li judaetike? ¿Kʼu yuʼun muʼyuk la smak ta be li Diose?».

 Li judaetike laj yil tajek svokolik. Li jnazietike oy kʼusitik la spasik sventa ta smiyonal noʼox judaetik smilik. Jech xtok, oy yan krixchanoetik ti laj yichʼik utilanel xchiʼuk ti laj yichʼik milel li vaʼ orae, te skʼoplalik li stestigotak Jeovae, yuʼun laj yichʼik kontrainel ta skoj ti chchʼunik li kʼusi chal Vivliae.

•    Mi chakʼan chanabe mas skʼoplale, kʼelo li mantal ti xi sbie: «¿Qué les ocurrió a los testigos de Jehová durante el Holocausto?».

 Ep buchʼutik chiʼik ti jech xkʼot ta pasel yan velta jech kʼuchaʼal kʼalal laj yichʼ milel epal krixchanoetike. Pe tspat koʼontontik li kʼusi chal Vivliae, yuʼun chal ti oy kʼusi xchapanoj Dios ti bu muʼyuk xa jech chkʼot ta pasel yan veltae.

•    «Xi chal li Jeovae: ‹Yuʼun jnaʼoj lek li kʼusi ta jpas ta atojolalike, chkakʼboxuk jun oʼontonal, maʼuk vokolil, sventa oyuk kʼusi lek xataik ta jelavel xchiʼuk sventa oyuk spatobil avoʼontonik›» (Jeremias 29:11). a

 Taje jech chkʼot ta pasel kʼalal mi la xchʼaybe skʼoplal choplejal li Jeovae xchiʼuk mi la slajes skotol li kʼusi chakʼ jvokoltike. Poʼot xa tajek chakʼ kʼotuk ta pasel Dios liʼe:

•    Tslajesbe skʼoplal li buchʼutik chakʼbeik svokol yantike (Proverbios 2:22).

•    Tskolta skotol li buchʼutik yiloj svokolike, vaʼun tsta xkuxetel yoʼontonik (Apokalipsis 21:4).

•    Chchaʼkuxes ta balumil li buchʼutik chamemike (Juan 5:28, 29).

 Xuʼ me xapat avoʼonton ti chkʼot ta pasel li kʼusi kʼupil sba chal Vivlia taje. Mi chakʼan chanaʼ kʼu yuʼun xuʼ xachʼun ti jech chkʼot ta pasele, chʼamo li chanubtasel chakʼ stestigotak Jeovae.