¡VIKʼILUK ME ASATIK!

Li yichʼel ta mukʼ santoetike | ¿Kʼusi chal li Vivliae?

CHICHʼ TIJEL TA

Li ta snailal notisia yuʼun jkatolikoetike chal ti ta 25 yuʼun marso ta 2022 li papa Francisco kʼot ta chʼulna ta San Pedro. Te kʼot snijan sba ta stojolal Maria, la smutsʼ sat xchiʼuk la skʼopon ta yoʼonton. La skʼanbe vokol Maria ti oyuk jun oʼontonale. Li ta pajina ta Internet Vatican News laj yal ti papa Franciscoe la skʼopon li «Inmaculado Corazón de María, la skʼanbe ti akʼo staik ta naʼel Dios li krixchanoetike, mas to li ta Rusia xchiʼuk Ucraniae».

¿Kʼusi chanop? ¿Mi lek ti xkichʼtik ta mukʼ xchiʼuk ti jkʼopontik li santoetike? Nopbo skʼoplal li versikuloetik liʼe:

«Mu me oyuk kʼusi xapasbe slokʼol mi jaʼuk kʼusi ti xkoʼolaj kʼuchaʼal li kʼusitik oy ta vinajele, li kʼusitik oy ta balumile o li kʼusitik oy ta voʼe. Mu me xanijan aba ta stojolalik xchiʼuk mu me buchʼu stijbot avoʼonton ti chatun ta stojolalike, yuʼun li Jeova Diosun avuʼune, jaʼ Diosun ti jtuk noʼox ta jkʼan ichʼel ta mukʼe» (Eksodo 20:4, 5). a
«Ta plata xchiʼuk ta oro noʼox pasbil li santoike, yabtel noʼox yok skʼob krixchanoetik. Oy yeik, pe mu xkʼopojik; oy satik, pe mu x˗ilvanik. Oy xchikinik, pe mu kʼusi xaʼiik; oy sniʼik, pe mu kʼusi xaʼibeik yikʼ. Oy skʼobik, pe mu kʼusi stsak yuʼunik; oy yakanik, pe mu xanavik; mi jsetʼuk oy yechʼomal snukʼik. Li buchʼutik tsmeltsanik santoetike jaʼ jech chkoʼolajik xchiʼukik, jaʼ jech chkʼot ta stojolalik ek li buchʼutik spatoj yoʼontonik ta stojolal li santoetike» (Salmo 115:4-8).
«Voʼon Jeovaun, taje jaʼ jbi; muʼyuk chkakʼ ta yan li jmukʼulale, muʼyuk chkakʼ ti jaʼ xichʼ kʼupil kʼoptael li lokʼoletike» (Isaias 42:8, tsʼib ta yok vun).
«Mu me xavichʼik ta mukʼ jsetʼuk li santoetike» (1 Korintios 10:14).
«Chʼako abaik lokʼel ta stojolal li santoetike» (1 Juan 5:21).