Li ta sjabilal 2024, ep vokoliletik ta jnuptantik, epal krixchanoetike tsnopik ti muʼyuk chlaj skʼoplal li vokolile. ¿Pe mi oy van bu xuʼ jtatik spatobil koʼontontik?

 Avie, muʼyuk jun koʼontontik yuʼun li vokoliletike, pe li Vivliae jamal chal ti tslajesbe skʼoplal vokoliletik li Diose. Xi jamal chal ti kʼusi tspas ta stojolal li krixchanoetike: «Tskusbat skotol yaʼlel satik yuʼun li Diose, muʼyuk xa lajelal, muʼyuk xa at˗oʼonton, muʼyuk xa okʼel ta skoj vokolil xchiʼuk mi jaʼuk xa kʼusi kʼux chkaʼitik» (Apokalipsis 21:4).

•    Mi chakʼan to chanabe mas skʼoplal li kʼusitik chal Vivliae, kʼelo li mantal «¡Oy kʼusitik kʼupil sba chtal!».

 Li spatobil oʼontonal chal ta Vivliae xuʼ skoltaot sventa mu jaʼuk xbat ta anopben li kʼusitik chchibajesvane xchiʼuk tskoltaot sventa masuk to xamuyubaj (Romanos 15:13). Jech xtok, li Vivliae yichʼoj lekil tojobtaseletik ti tskoltaot sventa xkuch batel avuʼun li vokoliletik chanuptan avie, jech kʼuchaʼal li povreale, li kʼusitik muʼyuk tukʼ chichʼ pasele o jtosuk chamel.

•    Kʼelo kʼuxi koltaat˗o jun vinik li spatobil oʼontonal chal ta Vivlia sventa xmuyubajuk noʼox xchiʼuk ti junuk noʼox yoʼonton akʼo mi te chʼi ta jun utsʼ alalil ti povreik noʼoxe. Kʼelo li video Juan Pablo Zermeño: Kolyal Jeova oy xa sbalil li jkuxlejale.

•    Kʼelo kʼuxi xuʼ skoltaot Vivlia sventa xkuch avuʼun li at˗oʼonton mi oy chamem avutsʼ avalal, mi oy amul chavaʼi aba xchiʼuk mi chavul avoʼontone. Kʼelo li mantal «¿Mi xuʼ spatbun koʼonton li Vivliae?».

•    Kʼelbo sloʼil xkuxlejal jun ants ti soltaro toʼoxe, laj yal stuk ti muʼyuk toʼox lek stalelal xchiʼuk ti muʼyuk toʼox xkʼuxul yoʼontone, pe jaʼ koltaat yuʼun li Vivliae. Kʼelo li video «La jel ta Vivlia li jtukʼe».

 ¿Mi chakʼan ti junuk noʼox avoʼonton xchiʼuk avutsʼ avalal li ta 2024? Li Vivliae xuʼ skoltaot. Chʼamo junuk chanubtasel ta Vivlia ti ta moton chichʼ akʼele xchiʼuk te chavakʼ venta ti oy kʼusi lek chakʼbot Dios ta jelavel xchiʼuk ti oyuk spatobil avoʼontone (Jeremias 29:11).