KAMPAÑA TI STUK NOʼOX JECHE
Vokolil ta takʼin | ¿Kʼusi tspas li Ajvalilal yuʼun Diose?
Li krixchanoetik ta spʼejel balumile vokol chaʼiik stael takʼin sventa smanik li kʼusi chtun yuʼunik jujun kʼakʼale xchiʼuk mas to tstsatsaj batel li vokolil taje.
Achʼtik toe lokʼ jun aʼyej a ti bu chal ti «yal tajek stojol li j˗abteletik ta spʼejel balumile». Mi muʼyuk kʼusi laj yichʼ pasele, «jech˗o mas to ch˗epaj ti mu koʼoluk kʼusi x-ayan kuʼuntike» xchiʼuk junantike «mas to ta xil svokolik xchiʼuk li yutsʼ yalalike».
Li ajvaliletike, ¿mi xuʼ van xlekub yuʼunik li vokolil ta takʼine? O ¿mi xuʼ van slajesik ta j˗echʼel?
Li Vivliae chalbe skʼoplal jun ajvalil ti xuʼ yuʼun xchapan xchiʼuk ti ta onoʼox xchapan li vokoliletik ta takʼine, ti te skʼoplal ti mu koʼoluk kʼusi x˗ayan kuʼuntike. Ta xal ti «Dios te oy ta vinajele tsvaʼan jun ajvalilal» ti jaʼ xa noʼox stuk tsventain talel li balumile (Daniel 2:44). Muʼyuk buchʼu chichʼ tenel komel xchiʼuk chichʼ chʼayel ta jolil koliyal li ajvalilal taje (Salmo 9:18). Li Ajvalilal yuʼun Diose te sat ta stojolal li krixchanoetik sventa oyuk noʼox li kʼusi chtun yuʼunike xchiʼuk ti xmuyubajikuk noʼoxe. Skotolik tskʼupinik li yabtel yok skʼobike (Isaias 65:21, 22).
a Informe mundial sobre salarios 2022-2023, yuʼun li Organización Internacional del Trabajo.