Saʼo avamigotak sventa mu atukuk xavaʼi aba | Li Vivliae xuʼ skoltaot
Li ta sjabilal 2023, laj yichʼ ilel ta spʼejel balumil ti ep buchʼutik ti stuk tajek chaʼi sbaike. ¿Mi xuʼ van stsal kuʼuntik mi jech chkaʼi jbatike?
«K’alal jtuk tajek chkaʼi jbatike toj xibal me sba, yuʼun xuʼ stsakutik-o chamel xchiʼuk xuʼ xakʼ jvokoltik. Pe xuʼ stsal kuʼuntik mi chkakʼtik persa jujun kʼakʼal sventa masuk to lek xkil jbatik xchiʼuk li yantike» (Vivek Murthy, direktor sventa Salud Pública ta Estados Unidos). a
Oy ep buchʼutik ti stuk chaʼi sbaik akʼo mi oy ep krixchanoetik ta spat xokonike. Mu ventauk ti kʼu yuʼun jech chkaʼi jbatike, li Vivliae chalbutik lekil tojobtaseletik ti xuʼ skoltautike, jech kʼuchaʼal ti jsaʼ lek kamigotaktike.
Li Vivliae xuʼ skoltaot
Tojoban xchiʼinel ta loʼil li yantike. Taje maʼuk me skʼan xal ti jaʼ noʼox chavalbe skʼoplal avokole, yuʼun skʼan xachikintabe li kʼusi chal yantik eke. Mi jech chapase, mas to me lek chavil aba xchiʼuk li yantike.
Li kʼusi chal li Vivliae: «Oyuk-o me ta avoʼontonik li yantike, maʼuk noʼox me xanop akʼoplal atukik» (Filipenses 2:4).
Saʼo mas avamigotak. Oyuk ta avoʼonton yamigoinel li buchʼutik mas xa oy sjabilalik o li buchʼu mas to kerem tsebik kʼuchaʼal voʼote, ti xuʼ van yan-o sparajeik o slumalike.
Li kʼusi chal li Vivliae: «Chʼieso ta avoʼontonik ek li kʼanelale» (2 Korintios 6:13).
Mi chakʼan chanaʼ kʼuxi xuʼ xata lek avamigotake, chano li mantal «Cómo saciar la sed de amistad».
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.