Li ta julio ta 2022, laj yakʼik venta ti ta spʼejel balumile yantik xkʼixnaj ti muʼyuk bu jech ilbil˗oe.

•   «Jaʼ xa xchibal velta laj yal ajvalil ta China ti oy 70 jteklumetik te ti toj echʼ xa noʼox kʼixine xchiʼuk ti skʼan skʼel sbaik li krixchanoetike» (25 yuʼun julio ta 2022, j˗al notisia ta CNN).

•   «Kol kʼokʼ ta teʼtik ta Europa ta skoj ti kʼixnaj tajek li kʼakʼale» (17 yuʼun julio ta 2022, The Guardian).

•   «Li ta domingoe, junantik jteklumetik li ta Estados Unidose laj yakʼik venta ti kʼixnaj tajeke, mas to li ta slokʼeb kʼakʼal, ta smaleb kʼakʼal xchiʼuk ta Medio Oestee» (24 yuʼun julio ta 2022, The New York Times).

 ¿Mi jaʼ skʼan xal ti mu xa stakʼ naklebinel ta jelavel li balumile? ¿Kʼusi chal li Vivliae?

 Jech, yuʼun sta-o li kʼusi chal ti chkʼot ta pasel ta jkʼakʼaliltike. Jech kʼuchaʼal liʼe, li Jesuse yaloj xa onoʼox ti chkiltik li «kʼusitik xibal sba» chkʼot ta pasele (Lukas 21:11). Li krixchanoetike chiʼik tajek ti yantik xkʼixnaj li balumile xchiʼuk chiʼik mi jech te chlaj˗o li balumile.

 Muʼyuk, yuʼun li Diose la spas li balumil sventa te xnakiik ta sbatel osil li krixchanoetike (Salmo 115:16; Eklesiastes 1:4). Li Diose muʼyuk chakʼ ti akʼo slajesik balumil li krixchanoetike, yuʼun jamal yaloj ti tslajesbe skʼoplal li «buchʼutik tsokesik li balumile» (Apokalipsis 11:18).

 Jkʼeltik to batel chaʼtos li kʼusi yaloj tspas Dios ta sventa li balumile:

•   «Li takixokol balumile xchiʼuk li takin balumile ta xmuyubajik, li stenlejaltik ti takin tajeke xkuxet noʼox yoʼonton likel xchiʼuk chnichin kʼuchaʼal li asafran nichime» (Isaias 35:1). Li Diose muʼyuk chakʼ ti xokol xkom li balumile xchiʼuk ti mu xa kʼusi xchʼie, yuʼun ta smeltsan skotol li kʼusi sokeme.

•   «Oy ta avoʼonton li balumile, oy kʼusi lek xchʼi avuʼun te xchiʼuk ep kʼusitik x-ayan» (Salmo 65:9). Li Diose tskʼatajes ta paraiso li balumile.

 Mi chakʼan to chanabe mas skʼoplal ti yaloj xa onoʼox Vivlia ti chjel sikil xkʼixnal li balumile, kʼelo li mantal ti xi sbie: «¿Qué dice la Biblia sobre el cambio climático y nuestro futuro?».

 Mi chakʼan to chanabe mas skʼoplal ti chal Vivlia ti chlekub li balumile, kʼelo li mantal ti xi sbie: «¿Buchʼu noʼox xuʼ xlekub yuʼun li jbalumiltike?».