1. Li mukʼul Diose chchanubtasutik lek

yoʼ jchantik xijkʼanvan.

Li stuke chkʼanvan, jaʼ jech skʼan jchantik ek.

¡Toj jun yutsil mi chijkʼanvan!

Ta slekil yoʼnton la stak talel Kristo,

jaʼ tal spojutik, jpaltailtik la stoj.

Lek jamal xvinaj ti skʼanojutik Dios.

Jaʼ kʼanelal, melel kʼanelal.

2. Skʼan te xijxanav ta be yakʼ kiltik Dios;

ta sbelel kʼanelal.

Jkʼan kermanotik, jkʼantik ta bikʼit mukʼ,

kʼanvankutik jujun kʼakʼal.

Kakʼtik ta perton skotol buchʼu tsaʼ smul.

Buchʼu oy svokol muʼyuk chkiktatik stuk,

skʼan jkʼuxubintik yuʼun yajtunel Dios.

Kakʼtik iluk melel kʼanelal.

3. Tsobol chij-abtej li ta steklumal Dios,

jun tajek koʼntontik.

Kutsʼ kalal jbatik, ¡solel toj kʼupil sba!,

tspasvan ta jun li kʼanelal.

Sventa xijkʼanvan jchanbetik stalel Dios,

yuʼun stuk noʼox snaʼ xchanubtasvan lek.

Xmuyubaj yoʼnton mi chil ta jpastik jech.

Mu xlaj skʼoplal li kʼanelale.