1. Toj chʼul sbi jmukʼul Diostik,

sta-o ti xkichʼtik-o ta mukʼ.

Ta skʼan ti lek sakuk oy,

yuʼun ep buchʼu chikʼubtas.

Epal jabil stsʼikoj tal

choplejal ta balumil.

Muʼyuk bu lubtsajem-o,

kuchem talel yuʼun.

Yuʼun tskʼan ti akʼo xkol

skotol li krixchanoetik.

Maʼuk tskʼan ti akʼo xlaj

mi oy buchʼu tsutes yoʼnton.

2. Chchanbe skʼupil talel Dios

kʼalal oy buchʼu stsʼik yuʼun.

Muʼyuk ta ora chkap sjol,

vaʼun chkʼanat yuʼun Jeova.

Jkʼantik skotol bikʼit mukʼ,

spaltail maʼuk jkʼeltik.

Jaʼ jech jmoj oyutik-o,

muʼyuk ta xlik jkʼoptik.

Jeova chakʼbutik xchʼul ip

sventa jchanbetik stalelal.

Solel toj echʼ kʼupil sba

mi oy stsʼikel kuʼuntike.