KʼEJOJ 134
Li alab nichʼnabile jaʼ jun matanal
-
1. Mi oy xa avuni kʼoxtak,
jaʼ jun mukʼta bendision yakʼbot Dios.
Jaʼ amoton ti toj kʼupil sba,
oy ta aba xchanubtasel.
Pe naʼo me ti jaʼ yakʼoj Dios,
li stuke jaʼ sniʼoal kuxlejal.
Sventa jaʼ stam batel tukʼil be,
chanubtaso ta Xchʼul Kʼop Jeova.
(ESTRIVIYO)
Jaʼ amoton avun kerem tseb,
jaʼ sbendision yakʼbot Jeova.
Chanubtaso ta skʼop smantal Dios,
akʼo persa jujun kʼakʼal.
-
2. Li kʼusi chal ta Xchʼul Kʼop Dios
skʼan xatikʼ lek ta yutil avoʼnton.
Loʼiltabo li avuni kʼox,
mu me xalub, akʼbo yipal.
Chanubtaso ta skotol ora:
ta bebetik, mi lalik, mi lavay.
Mi tukʼ chtunik ta stojolal Dios,
chmuyubajik ta sbatel osil.
(ESTRIVIYO)
Jaʼ amoton avun kerem tseb,
jaʼ sbendision yakʼbot Jeova.
Chanubtaso ta skʼop smantal Dios,
akʼo persa jujun kʼakʼal.
(Kʼelo xtok Deut. 6:6, 7; Efes. 6:4; 1 Tim. 4:16).
