KʼEJOJ 144
¡Mu jchʼay ta jsatik jmotontik!
-
1. Ch-ilvan xa buchʼu makal yun sat.
Chaʼi xa buchʼu makal xchikin.
Chkʼejin xa buchʼu umaʼ toʼox.
Laj xa skʼoplal skotol chamel.
Kʼalal chlik talel buchʼu chamem,
muʼyuk xa kʼusi ch-akʼbat svokol.
(ESTRIVIYO)
Jaʼ jkʼeltik batel kʼusi chakʼ Dios,
mu jchʼay ta jsatik jmotontik.
-
2. Jmoj xa chveʼ oso xchiʼuk vakax,
tslajesik jobel xchiʼuk tsʼiʼlel,
chkʼelatik yuʼun jun kʼox kerem,
jun xa yoʼnton bikʼit ta mukʼ.
Muʼyuk xa buchʼu ta xvul ta sjol:
vokolil, okʼel xchiʼuk chamel.
(ESTRIVIYO)
Jaʼ jkʼeltik batel kʼusi chakʼ Dios,
mu jchʼay ta jsatik jmotontik.
(Kʼelo xtok Is. 11:6-9; 35:5-7; Juan 11:24).
