1. Avi akʼobal, Tot Jeova Dios,

toj chʼul xchiʼuk toj tsots skʼoplal.

Vinaj tsots ajuʼel xchiʼuk ep lakʼanvan

kʼalal lakolta alumal.

Laj yichʼ malbel xchʼichʼel chʼiom chij,

jaʼ jech sta pojel Israel.

Ep jabil ta tsʼakal yakʼ xkuxlej Anichʼon

sventa jech jtakutik pojelal.

2. Kʼupil matanal ti lavakʼ tal

li jun akʼanbil Nichʼone.

Jaʼ ta xakʼ jnopkutik li avi akʼobal

li pan xchiʼuk li vinoe.

Chʼabal matanal

xkoʼolaj jech,

mu xlaj jtojkutik ta vokol.

Yuʼun xuʼ jtakutik

kuxlejal ta tsʼakal

koliyal li xchʼichʼel Jesuse.

 3. Toj ep kʼanelal avuʼun, Dios,

xchiʼuk ep slekil avoʼnton.

Chkalkutik kolaval,

ti lavakʼ Anichʼon,

jaʼ jun kʼupil sba matanal.

Skotol ora ta jchankutik bal

yav yok li Kristo Jesuse,

jaʼ jech xuʼ jtakutik kʼupil sba kuxlejal

xchiʼuk xuʼ jtakutik lekilal.