1. Toj tsots kuxlejal li avi kʼakʼale,

yantik tsok li balumile.

Jutuk mu skotoluk krixchanoetik,

muʼyuk ta xchʼunik smantal Dios.

Pe li Jeovae chakʼ kiltik tukʼil be

kʼalal chijtal ta tsobajel

xchiʼuk tstsatsubtas lek xchʼunel koʼntontik

sventa tukʼuk-o xkakʼ jbatik.

Jaʼ tskoltautik yoʼ xijchʼi ta mantal

xchiʼuk tslekubtas jtaleltik.

Kʼalal chijtal-o ta skotol tsobajel,

mas chlik jkʼantik li Jeovae.

2. Jeova snaʼoj lek kʼusi chtun kuʼuntik,

yuʼun oyutik ta yoʼnton.

Kʼalal chijtal-o ta jujun tsobajel,

liʼ chal kʼusitik skʼan jpastik.

Mu me xkiktatik ti ta jtsob jbatike,

yuʼun ep sbalil ta jtatik.

Jeova jaʼ tstunesan li moletike

sventa xakʼ jchantik smantaltak.

Jaʼ kutsʼ kalaltik buchʼutik liʼ oyik,

yuʼun jmoj ta jkolta jbatik.

Ta xakʼ jpʼijiltik kʼusitik tal jchantik

sventa xuʼ jta jkuxlejaltik.