KʼEJOJ 89
Tsta bendision buchʼu chchʼun mantal
-
1. Toj jun yutsil kʼusi chakʼ jchantik Kristo,
jaʼ chakʼ kiltik bu sbelel kolebal.
Li buchʼu chakʼ ta xkuxlej smantaltak Dios,
xkuxet yoʼnton xchiʼuk tsta bendision.
(ESTRIVIYO)
Chʼunbo smantal Jeova Dios,
vaʼun chata bendision.
Sbatel osil chakʼupin kuxlejal
mi jaʼ chapas kʼusi tskʼan.
-
2. Li buchʼutik tukʼ chtunik ta stojol Dios
xkoʼolajik kʼuchaʼal kʼupil na
ti vaʼanbil lek ta sba jpʼej tsatsal ton:
akʼo mi chil tsots vokol, chkuch yuʼun.
(ESTRIVIYO)
Chʼunbo smantal Jeova Dios,
vaʼun chata bendision.
Sbatel osil chakʼupin kuxlejal
mi jaʼ chapas kʼusi tskʼan.
-
3. Jech kʼuchaʼal jpetsuk teʼ ti chakʼ ep sat
kʼalal tsʼunul ta stiʼil jun ukʼum,
mi jaʼ chapas kʼusitik chayalbot Dios,
sbatel osil ta xakʼbot bendision.
(ESTRIVIYO)
Chʼunbo smantal Jeova Dios,
vaʼun chata bendision.
Sbatel osil chakʼupin kuxlejal
mi jaʼ chapas kʼusi tskʼan.
(K’elo xtok Deut. 28:2; Sal. 1:3; Prov. 10:22; Mat. 7:24-27; Luk. 6:47-49).