1. Mukʼul Jpasvanej Dios, chkalbot kolaval,

yuʼun lavakʼbun ta jmoton achʼul Kʼop.

Tukʼik skotol kʼusi chal,

toj lek tsbeiltasun.

Akʼop ta sjambun jsat yoʼ xkil sak osil.

2. Skotol kʼusitik chal jaʼ tsjel jtalelal.

Chchajbun ta kʼelel kʼalal to yut koʼnton.

Mi la jchʼun kʼusitik chal,

chakʼbun jun oʼntonal.

Chakʼbun kil tukʼil be yoʼ lek xbat jkuxlej.

3. Kʼupil sba kʼusi chal achʼul Kʼop, Kajval,

yuʼun tstsatsubtas li xchʼunel koʼntone.

Jkʼanoj lek amantal, Dios,

ta jkʼel jujun kʼakʼal.

Jeova, muʼyuk bu chlaj jtojbot ta vokol.