Markos 16:1-8
-
Chaʼkuxi li Jesuse (1-8)
16 Vaʼun, kʼalal echʼ xaʼox li Savadoe, li Maria Magdalenae, li Maria ti jaʼ smeʼ Santiagoe, xchiʼuk li Salomee, la smanik muil tsʼiʼleletik sventa chjaxbeik ta sbekʼtal li Jesuse.
2 Sob tajek talik ta mukinal kʼalal lokʼem xaʼox Kʼakʼal li ta sba kʼakʼal ta xemanae.
3 Xi chalbe sbaik ta jujuntale: «¿Buchʼu tstselelinbutik* lokʼel li ton ta tiʼ mukinale?».
4 Pe kʼalal la stoy satike, jaʼ to laj yilike tselelinbil xaʼox lokʼel li tone, akʼo mi toj mukʼ.
5 Kʼalal ochik batel li ta mukinale, te laj yilik ti te chotol jun kerem vinik ta batsʼikʼob ti slapoj jlik natil sakil kʼuʼile, vaʼun chʼayal to kʼot yoʼontonik.
6 Xi albatike: «Mu xa labaluk xavaʼiik. Li voʼoxuke jaʼ chasaʼik li Jesuse, li Jnasaretal vinik ti laj yichʼ milel ta jtel teʼe. Muʼyuk xa bu liʼ oye, laj xa yichʼ chaʼkuxesel. ¡Kʼelo avilik! Liʼe jaʼ ti bu toʼox laj yichʼ akʼele.
7 Pe batanik, xi xavalbeik li yajchankʼoptake xchiʼuk xi xavalbeik ek li Pedroe: ‹Jelavem batel avuʼunik ta Galilea. Te chavilik, jech onoʼox kʼuchaʼal yalojboxuke›».
8 Jaʼ yuʼun jatavik ta anil kʼalal lokʼemik xaʼox li ta mukinale, xtʼelajetik tajek ta xiʼel xchiʼuk xmuyubajik tajek.* Muʼyuk buchʼu laj yalbeik jutebuk, yuʼun chiʼik tajek.*
Tsʼibetik ta yok vun
^ O: «tsetetinbutik»; «chbalchʼunbutik».
^ O: «echʼem pʼij yoʼnik»; «nichim noʼox yoʼontonik».
^ Li s-evanjelio Markose jaʼ jech tsuts sloʼil jech kʼuchaʼal chal li ta versikulo 8 jech kʼuchaʼal li baʼyel tsʼibetik ti jaʼ melele.
