Xchibal yuʼun Samuel 22:1-51
22 Kʼalal pojat lokʼel yuʼun Jeova ta skʼob skotol yajkontratak+ li Davide xchiʼuk kʼalal pojat lokʼel ta skʼob+ li Saule, li Davide la skʼejinta+ li Jeovae.
2 Xi laj yale:
«Jaʼ tayal ton kʼotem kuʼun li Jeovae xchiʼuk jaʼ jtsatsal pojobbail+ xchiʼuk jaʼ li buchʼu tspojune.+
3 Jaʼ mukʼta ton+ kuʼun li Jdiose, jaʼ te jtaoj jpojobbail,jaʼ li j-eskudoe*+ xchiʼuk jaʼ tsatsal jkoltavanej kuʼun,* jaʼ lekil nakʼobbail*+ kʼotem kuʼunxchiʼuk jaʼ te ti bu xuʼ xijatav batele,+ jaʼ jkoltavanej kuʼun;+ jaʼ tspojun lokʼel ta skʼob li chopol krixchanoetike.
4 Ta jkʼanbe vokol li Jeova ti sta-o kʼupil kʼoptaele,vaʼun chkichʼ pojel lokʼel ta skʼob li kajkontratake.
5 La syukʼilanun+ ta syukʼbenal li lajelale;la sibtasun+ tajek kʼuchaʼal anil nojelal ta voʼ li krixchanoetik ti chʼabal sbalilike.
6 La stsʼotun+ ta xchʼojon li Mukinale;*te tal ta jtojolal+ xchʼojon li lajelale.
7 La jkʼanbe vokol Jeova+ kʼalal jaʼo oy jvokole,xi-avet ta skʼanilanbel Jdios ti akʼo skoltaune.
Te to ta stemplo la xchikintabun talxchiʼuk kʼot ta xchikin+ ti xivokolet ta skʼanbel ti akʼo skoltaune.
8 Vaʼun, lik nikuk ta jujujot li balumile xchiʼuk xyukʼlajet+ likel;lik nikuk+ li snaklebtak vinajelexchiʼuk lik syukʼilan sba ta jujujot ta skoj ti ilin+ li Diose.
9 Lokʼ tal chʼail* ta sniʼxchiʼuk lokʼ tal kʼokʼ ta ye+ ti chchikʼvane;xtiltun* lokʼ tal tsanal akʼal ta stojolal.
10 La xpux sba yuʼun vinajel kʼalal yal tale+xchiʼuk ikʼmutsʼan* ta jyalel li ta yolon yakane.+
11 Kajal talel ta sba jun keruvin+ xchiʼuk xvilet yalel tal.
Te laj yakʼ sba ta ilel ta xikʼ jun anjel.*+
12 Vaʼun, laj yakʼ ikʼal osil ta spat xokon kʼuchaʼal jun pojobbail,+laj yakʼ ikʼal pimil tok ti oy yaʼlele.
13 Te to ta xojobal yeloval sat lik talel tsanal akʼal.
14 Vaʼun, xkʼavlajet likel ta vinajel+ li Jeovae;laj yakʼ ta aʼiel+ yechʼomal ye li Buchʼu toj toyol oye.
15 La sjip talel sflechatak+ xchiʼuk tanpuk xa bat yuʼun li kajkontratake;kʼalal xjapluj to talel yuʼun li saksevule,* mu xa snaʼ kʼusi tspasik.+
16 Lik vinajuk+ li xchak nabe;vinaj snaklebtak balumil ta skoj ti ilin li Jeovae,ta skoj ti xvuchʼlij* to talel li yikʼal sniʼe.+
17 Ta toyol to la xachʼ yalel tal skʼob;la xjochun lokʼel xchiʼuk la snitun lokʼel li ta natil voʼe.+
18 Jaʼ la spojun lokʼel ta skʼob li kajkontra+ ti tsots tajeke,la spojun lokʼel ta skʼob li buchʼutik spʼajojikun ti mas to tsotsik kʼuchaʼal voʼone.
19 La stsakikun ta kʼop kʼalal jaʼo oy jvokole,+pe jaʼ la skoltaun li Jeovae.
20 La slokʼesun sventa bat yakʼun ti bu jun koʼontone;*+la spojun lokʼel ta skoj ti lek chilune.+
21 Ta skoj ti tukʼ kʼusi ta jpase,+ chakʼ jmoton li Jeovae;jaʼ tstojbun sutel ta skoj ti chʼabal jmule.+
22 Yuʼun jaʼ te jtsʼaklioj-o batel li sbe Jeovaexchiʼuk muʼyuk la jip komel li Jdiose, yuʼun toj chopol mi jech la jpase.
23 Skotol ora ta jchʼunbe skotol li smantaltake;+muʼyuk ta jpʼajbe li kʼusitik yaloje.+
24 Jpʼel ta koʼonton muʼyuk kʼusi chopol ta jpas+ ta stojolalxchiʼuk ta jkʼej jba lokʼel ta spasel li kʼusi muʼyuk leke.+
25 Akʼo stojbun Jeova ta skoj ti tukʼ kakʼoj jbae,+akʼo stojun ta skoj ti chʼabal jmul ta sba sate.+
26 Tukʼ chavakʼ aba+ ta stojolal li buchʼu tukʼ chakʼ sbae;tukʼ chapas aba ta stojolal li buchʼu tukʼ yakʼoj sbae+ xchiʼuk li buchʼu lek tsots xuʼ yuʼune;
27 lek kʼusi chapasbe+ li buchʼu lek kʼusi tspase,pe chavichʼ apʼijil* ta stojolal li jloʼlavaneje.+
28 Yuʼun chakolta li buchʼu bikʼit chakʼ sbae,+pe chopol chavil li jtoybaetike xchiʼuk chavakʼ ta kʼexlal.+
29 Yuʼun voʼot jkantilot, Kajval Jeova;+jaʼ Jeova chakʼ xojobinuk li ikʼal osil+ oy ta jtojolale.
30 Ta skoj ti chakoltaune, xuʼ kuʼun xbat jtsak ta kʼop li j-elekʼetike;ta skoj li sjuʼel Diose, xuʼ ximuy ta jun muro.+
31 Tukʼ kʼusi tspas*+ li melel Diose;muʼyuk xchopolil*+ li kʼusi chal Jeovae.
Jaʼ chkʼot ta s-eskudoik* skotol li buchʼutik te tsaʼ snakʼobbailik ta stojolale.+
32 Yuʼun ¿mi oy van yan Dios kʼuchaʼal li Jeovae?+
Xkoʼolaj kʼuchaʼal mukʼta ton li Jdiostike,+ muʼyuk buchʼu yan jech.
33 Jaʼ jtsatsal pojobbail+ li melel Diosexchiʼuk jaʼ tstukʼibtas li jbee.+
34 Jech chkʼot yuʼun kʼuchaʼal yakan teʼtikalchij li kakane;te tsvaʼanun ti bu toyole.+
35 Chchanubtas ta paskʼop li jkʼobe;li jkʼobe xuʼ yuʼun tslapʼun jun arko ti pasbil ta kovree.
36 Chavakʼbun li a-eskudo* sventa kolebalexchiʼuk jaʼ tsmukʼibtasbun jkʼoplal+ ti bikʼit avakʼoj abae.
37 Voʼot chajam batel mas li jbe bu chkakʼ batel kakane;muʼyuk bu chjaxpʼuj+ li kakane.*
38 Te tijil chibat ta spat li kajkontratak jaʼ to mi la jlajesike,jaʼ to chisut tal mi laj xa ox jmilike.
39 Ta jlajesik xchiʼuk ta jyalesan ta lum sventa mu xa stotsik;+ta jpechʼilanik ta tekʼel.
40 Voʼot chavakʼbun lek jtsatsal ta sventa li paskʼope;+te jkʼeloj+ chyalik ta lum avuʼun li kajkontratake.
41 Chavakʼ jatavuk batel ta jtojolal*+ li kajkontratake;ta jlajesbe skʼoplal* li buchʼutik spʼajojikune.+
42 X-avet tskʼanik koltael, pe muʼyuk buchʼu xuʼ xkoltaatik;x-avetik ta stojolal Jeova xtok, pe muʼyuk bu chtakʼbatik.+
43 Nin tajek chkomik kuʼun ta noyel jech kʼuchaʼal li pukuk* oy ta balumile;ta jlilin xchiʼuk ta jpechʼilan ta tekʼel jech kʼuchaʼal li achʼel oy ta kayetike.
44 Voʼot chapojun lokʼel ta skʼob li jteklum+ ti chchopol kʼoptavanike.
Chachabiun sventa xikʼot ta jolil yuʼun li mukʼtik lumetike.+Chtun ta jtojolal+ jun jteklum ti mu xkojtikine.
45 Smutsetik xa ta xiʼel chtalik ta jtojolal+ li jyanlumetike;jaʼ noʼox mi laj yaʼiik jkʼoplale, ta xchʼunbeikun jmantal;
46 Chlaj stsatsal yoʼontonik* li jyanlumetike;xtʼeleletik* lokʼel tal ti bu snakʼoj* sbaike.
47 ¡Kuxul li Jeovae! ¡Kʼupil kʼoptabiluk li Mukʼta Ton+ kuʼune!
Akʼo yichʼ toybel skʼoplal+ li Jdiose, li mukʼta ton ti jaʼ tskoltaune.
48 Jaʼ tspak jkʼoplal+ li melel Diose;jaʼ tsbikʼtajesbe skʼoplal jteklumetik sventa jpas ta mantal;+
49 jaʼ tskoltaun lokʼel ta skʼob li kajkontratake.
Toyol chatoyun muyel,+ jaʼ pekʼel chkom li buchʼu tskontrainikune;voʼot chakoltaun lokʼel ta skʼob li jsaʼkʼop+ vinike.
50 Jech oxal, ta jtojbot ta vokol ta stojolal li mukʼtik lumetike,+ Kajval Jeova,xchiʼuk ta jkʼupil kʼopta ta kʼejimoletik*+ li abie.
51 Mukʼtik kʼusitik spasoj sventa tskolta* li ajvalil yuʼune;+chakʼbe yil tukʼil kʼanelal sbatel osil+ li buchʼu tʼujbil yuʼune,ta stojolal David xchiʼuk ta stojolal li snitilulale».
Tsʼibetik ta yok vun
^ O «jmakobbaile».
^ Literal «jkoltavanej xulubil kuʼun». Kʼelo Glosario, xulubil.
^ O «tayal pojobbail».
^ O «chʼayil».
^ O «xloklun; xpulpun».
^ O «ikʼpulan».
^ O «ta sba ikʼ».
^ O «saktsele».
^ O «svuslij».
^ O «ti bu jamalaltike».
^ O jaʼ van skʼoplal «bol vinik xa chapas aba».
^ Literal «sbe».
^ O «chikʼbil lek ta kʼokʼ».
^ O «smakobbailik».
^ O «amakobbail».
^ O «sat kakane».
^ O «Spat xa noʼox chkilbe avuʼun».
^ Literal «tsʼijil chkomik kuʼun».
^ O «lum».
^ O «Tsakchʼayik».
^ O «xniknunik».
^ O «smukoj».
^ O «ta jtijbe sonetik».
^ O «Spasoj kanal mukʼtik paskʼop sventa».
