Yoxibal Juan 1:1-14
1 Voʼon li molune, jaʼ sventa Gayo ti lek kʼanbile, ti ta melel jkʼanoje.
2 Voʼot ti jkʼanojote, ta jpas orasion sventa lekuk xbat avuʼun skotol li kʼusitike xchiʼuk ti xkuxetuk noʼox xavaʼi balumil jech kʼuchaʼal ti lek oyote.
3 Yuʼun xkuxet tajek koʼonton kʼalal talik li ermanoetike xchiʼuk ti jamal laj yalik ti tukʼ-o achʼunoj li kʼusi melele xchiʼuk ti yakal chapas li kʼusi melele.+
4 Muʼyuk kʼusi yan ti xkuxet-o koʼonton yuʼun* jech kʼuchaʼal liʼe: ti chkʼot ta jchikin ti yakal-o tspasik kʼusi melel li jnichʼnabe.+
5 Voʼot ti jkʼanojote, tukʼ avakʼoj aba kʼalal oy kʼusitik chapas ta stojolal li ermanoetike —manchuk mi jaʼik yan krixchanoetik—.+
6 Yuʼun li stukike jamal laj yalik ta tsobobbail ti lek chakʼanvane. Avokoluk, koltaano me mi batike, jech xapas kʼuchaʼal tskʼan Diose.+
7 Yuʼun jaʼ ta skoj sbi Dios ti jech batik ta cholmantale, pe muʼyuk kʼusi tsmala ch-akʼbatik jutebuk+ yuʼun li jyanlumetike.
8 Jaʼ yuʼun, li voʼotike persa skʼan jchʼamtik li krixchanoetik taje+ sventa jmoj jchiʼin jbatik ta abtel ta sventa li kʼusi melele.+
9 Oy kʼusi la jtsʼibabe batel li tsobobbaile, pe li Diotrefes ti jaʼ jbabe tajek tskʼan chakʼ sba ta stojolalike+ mi jaʼuk xichʼ ta mukʼ li kʼusi chkalkutike.+
10 Jaʼ yuʼun, mi libate, chkakʼ ta ojtikinel li yabtel yakal tspas ti naka toj chopol jkʼoplalkutik yuʼune.+ Ta skoj ti muʼyuk jun yoʼonton ta sventa taje, mi jaʼuk skʼan xichʼ ta mukʼ li ermanoetike;+ jech xtok, tsmak ta be li buchʼutik chchʼamik li ermanoetike xchiʼuk tsnutsan lokʼel ta tsobobbail li buchʼutik jech tspasike.
11 Voʼot ti jkʼanojote, mu me jaʼuk xachan spasel li kʼusi chopole, jaʼ me xachan spasel li kʼusi leke.+ Te likem tal ta stojolal Dios li buchʼu tspas kʼusi leke.+ Mu xojtikin Dios li buchʼu tspas kʼusi chopole.+
12 Yaloj skotolik ti lek skʼoplal li Demetrioe xchiʼuk jech yaloj ek li kʼusi melele. Jech jamal chkalbekutik skʼoplal ek xchiʼuk anaʼoj ti jaʼ melel li kʼusi jamal chkalkutike.
13 Akʼo mi ep tajek kʼusi ta jkʼan chkalbot, mu jkʼan ti jech ta jtsʼibabot talel ta kartae.
14 Ta jkʼan xa noʼox ta jkʼelot sventa jkʼelojbe jba jsatik chijloʼilaj.
Junuk me avoʼonton.
Chabanuk la chalbot li amigoetike. Chabanuk xavalbe ta jujuntal ta sbiik li amigoetike.
Tsʼibetik ta yok vun
^ O jaʼ van skʼoplal «xuʼ jtoj ta vokol».
