Abdias 1:1-21
1 Li kʼusi akʼbat yil Abdiase:*
Li Kajvaltik Jeova ti jaʼ Mukʼul Jpasmantale xi chal ta stojolal li Edome:+
«Laj kaʼikutik ti oy kʼusi laj yal li Jeovae,xi chal jun j-almantal ti laj yichʼ takel batel ta stojolal li mukʼtik lumetike:
‹Tsobo abaik, jchapan jbatik sventa xbat jtsaktik ta kʼop›».+
2 «¡Kʼelavil!, bikʼit kom akʼoplal kuʼun ta stojolal li mukʼtik lumetike;pʼajbil lakʼot ta j-echʼel.+
3 Jaʼ la sloʼlaot li stoyobbail avoʼontone.+Te nakalot li ta vits ti mas toyole,ta toyol to tajek ti bu nakalote, jaʼ yuʼun xi chaval ta avoʼontone:‹¿Buchʼu xa noʼox xuʼ sjipun yalel ta balumil?›.
4 Akʼo mi ta toyol to tajek chanaki* kʼuchaʼal jkot aguilao akʼo mi te to chbat apas atas ti bu oy kʼanaletike,te to chbat jipot yalel tal», xi li Jeovae.
5 «Mi oy tal j-elekʼetik ta akʼobaltik sventa spojik batel li kʼusitik oy avuʼune,¿mi mu jaʼuk noʼox chelkʼanik batel li kʼusitik xal yoʼontonike?
O mi jaʼ tal ta atojolal li buchʼutik tstsobik uvae,
¿mi mu tauk to xiktaik jlomuk sventa xichʼ kʼuxkʼultael?*+Pe li voʼote chavichʼ-o lajesel ta j-echʼel.
6 ¡Solel lek sabil li snitilulal Esaue!
¡Laj yichʼ sabel li skʼulejale akʼo mi lek nakʼal!*
7 Te to ta stsʼak osil laj avichʼ ikʼel batel.
La sloʼlaoxuk skotol li buchʼutik tskoltaikot toʼoxe.*
Laj xa stsalot komel li viniketik ti jun toʼox avoʼonton xchiʼukike.
Li buchʼutik jmoj chaveʼik pan xchiʼuke tskʼiik nutiʼ sventa syakoxuk,pe muʼyuk chavakʼ venta».
8 Xi chal li Jeovae: «Li vaʼ orae,¿mi mu tauk jlajesbe skʼoplal li buchʼutik pʼijik te ta Edome+xchiʼuk mi mu tauk jlajesbe skʼoplal li buchʼutik xaʼibeik smelolal te ta vitstikaltik yuʼun Esaue?
9 Teman,+ li avajsoltarotak ti lek xuʼ yuʼunike chnikik ta xiʼel,+yuʼun li buchʼutik te oyik ta vitstikaltik yuʼun Esaue ta jujuntal te chchamik ta paskʼop.+
10 Ta skoj ti laj avilbajin li achiʼil ta vokʼel ti jaʼ li Jakobe,+chalaj ta kʼexlal,+chalaj-o sbatel osil.+
11 Kʼalal la xchukik batel soltaroetik li yan krixchanoetike,kʼalal ochik ta Jerusalen li jyanlumetike+ xchiʼuk ti laj yakʼik suerte+ ta sventa li Jerusalene,te noʼox akʼeloj,kʼajomal jech la apas jech kʼuchaʼal li stukike.
12 Muʼyuk lamuyubaj jechuk kʼalal jaʼo laj yil svokol li achiʼil ta vokʼele.+Muʼyuk lamuyubaj jechuk kʼalal laj yichʼik milel li jteklum Judae,+jech xtok, muʼyuk xatoyet xa lakʼopoj jechuk kʼalal jaʼo laj yil svokolike.
13 Jechuke, muʼyuk la-och batel ta yochebal stiʼ jteklumal kʼalal jaʼo laj yil svokolike,+muʼyuk lamuyubaj jechuk kʼalal jaʼo laj yil svokolikexchiʼuk muʼyuk laj avakʼ akʼob jechuk ta skʼulejalik kʼalal jaʼo oy svokolike.+
14 Muʼyuk te laj avakʼ aba jechuk ta jujun krusero sventa xamil li buchʼutik kuxul to komike,+muʼyuk laj avakʼ ta kʼabal jechuk li buchʼutik kuxul to komik kʼalal jaʼo oy vokolile.+
15 Yuʼun poʼot xa skʼakʼalil ti chlik skontrain skotol lumetik li Jeovae.+
Jech chavichʼ pasbel jech kʼuchaʼal la apase.+
Ti kʼu yelan la apasbe li yantike jaʼ jech chavichʼ pasbel ek.
16 Ti kʼu yelan la-uchʼbolajik li ta chʼul vits kuʼunejaʼ jech chlik yuchʼik ek skotol li yantik lume.+
Chuchʼik, ta kʼubbil* noʼox chuchʼik,vaʼun xkoʼolaj ti muʼyuk echʼ kuxiikuk ta balumile.
17 Pe te chkʼotik ta vits Sion li buchʼutik chjatavik lokʼele,+chʼul xa chkʼot;+li snitilulal Jakobe ch-och ta skʼobik li kʼusitik jaʼ onoʼox yuʼunike.+
18 Li snitilulal Jakobe chkʼot kʼuchaʼal kʼokʼ,li snitilulal Josee chkʼot kʼuchaʼal leb kʼokʼ,yan li snitilulal Esaue chkʼot kʼuchaʼal jobel;chichʼik tsanbel skʼakʼal xchiʼuk chichʼik chikʼel,jech mu xa junuk snitilulal Esau kuxul chkom,+
yuʼun jech yaloj li Jeovae.
19 Chlik yuʼuninik li Neguebe xchiʼuk li vitstikaltik yuʼun Esaue,+chlik yuʼuninik li Sefelae xchiʼuk li yosilal jfilisteaetike.+
Chlik yuʼuninik li yosilal Efraine xchiʼuk li yosilal Samariae,+li Benjamine jaʼ chlik yuʼunin li Galaade.
20 Li buchʼutik chukbilik lokʼel li ta muroe,+li jteklum ta Israele, jaʼ chuʼuninik li yosil jkanaanetik kʼalal to ta Sareptae.+
Li buchʼutik chukbilik lokʼel ta Jerusalen ti te toʼox oyik ta Sefarade chuʼuninik li jteklumetik ta Neguebe.+
21 Li jkoltavanejetike chmuyik batel ta vits Sionsventa xchapanik li vitstikaltik yuʼun Esaue,+vaʼun jaʼ chuʼunin Jeova li ajvalilale».*+
Tsʼibetik ta yok vun
^ Jaʼ skʼan xal ‹yajtunel Jeova›.
^ O jaʼ van skʼoplal «ta toyol to tajek chavil».
^ O «mukul».
^ O «apasojik toʼox trato xchiʼukike».
^ O «anil uchʼbil».
