El Kantar de los Kantares 2:1-17
-
Li tsebe (1)
-
«Xikoʼolaj noʼox kʼuchaʼal asafran nichim»
-
-
Li jchabichije (2)
-
Li kuni kʼanbil tsebe xkoʼolaj kʼuchaʼal lirio nichim
-
-
Li tsebe (3-14)
-
«Mu xatijik koʼonton sventa xikʼanvan, jaʼ to mi jech ayan ta koʼonton jtuke» (7)
-
Chichʼ alel li kʼusi laj yal li jchabichije (10 xchaʼvokʼal kʼalal ta 14)
-
«Laʼ chiʼinun, kuni kʼupil tseb» (10 xchaʼvokʼal xchiʼuk 13)
-
-
-
Li xchiʼiltak ta vokʼel li tsebe (15)
-
«Jtsaktik li vetetike»
-
-
Li tsebe (16, 17)
-
«Jaʼ kuʼun li kuni kʼanbil kereme xchiʼuk jaʼ yuʼunun ek» (16)
-
2 »Xikoʼolaj noʼox kʼuchaʼal asafran nichim ta stenlejaltik tiʼ nab,jun lirio nichim ta stenlejaltik».+
2 «Li kuni kʼanbil tseb ti te oy ta stojolal li tsebetikexkoʼolaj kʼuchaʼal lirio nichim ti te oy ta chʼixtikaltike».
3 «Li kuni kʼanbil kerem ti te oy ta stojolal li keremetikexkoʼolaj kʼuchaʼal steʼel mantsana ti te oy ta teʼtikaltike.
Oy tajek ta koʼonton chichoti ta yaxinal*xchiʼuk lek chiʼ chkaʼi li sate.
4 Laj yikʼun ochel li ta snail kʼine*xchiʼuk skotolik laj yakʼik venta ti voʼon noʼox skʼanojune.
5 Akʼbeikun pan ti pasbil ta takin sat uva+ sventa xitsatsub-oe;akʼbeikun mantsana sventa xakʼbun kipal,yuʼun ipun ta skoj ti oy buchʼu jkʼanoje.
6 Li stsʼetkʼobe* xkʼechoj li jolexchiʼuk jaʼ smeyojun li sbatsʼikʼobe.+
7 Stsebetak Jerusalen, albeikun ta jamal ta stojolalli gaselaetik+ o li meʼ teʼtikalchijetik ta osiltike:
mu xasujikun xchiʼuk mu xatijik koʼonton sventa xikʼanvan, jaʼ to mi jech ayan ta koʼonton jtuke.+
8 ¡Laj kaʼi ti te xa xtal li kuni kʼanbil kereme!
¡Kʼelavil! Leʼ xa xtale,te xa xmuy tal ta vitsetik, xpʼitomaj xa tal ta sba bikʼtal vitsetik.
9 Li kuni kʼanbil kereme xkoʼolaj kʼuchaʼal gasela, xkoʼolaj kʼuchaʼal chʼiom teʼtikalchij.+
Te vaʼal ta spat jmurotik,te kʼelvanem ochel ta ventanaetik,te nachʼal ochel sat ta srejailtak.
10 Xi chalbun li kuni kʼanbil kereme:
‹Likan, kuni kʼanbil tseb,laʼ chiʼinun, kuni kʼupil tseb.
11 ¡Kʼelavil! Echʼ xa li inviernoe.*
Echʼ xa li yora voʼtike, jelav xa batel.
12 Vokʼ xa tal li nichimetik ta balumile,+kʼot xa yorail ti chichʼ tuchʼbel skʼobtak+ li steʼel uvaexchiʼuk xkaʼitik xa chkʼejin ta jlumaltik li tortolae.*+
13 Tokʼonik xa li sba sat igoe;+yakal xa chnichin li steʼeltak uvae xchiʼuk xmuet chlokʼ tal li yikʼe.
Likan, kuni kʼanbil tseb, laʼ.
Laʼ chiʼinun, kuni kʼupil tseb.
14 Kuni paloma, lokʼan talel ti bu anakʼoj* aba ta tayal jomajtik chʼene,+li ta sjavbenal tayal* chʼene.Akʼbun jkʼel li asate xchiʼuk akʼbun kaʼi li yechʼomal avee,+yuʼun kʼupil sba li yechʼomal avee xchiʼuk alakʼ sba+ li apat axokone›».
15 «Jtsaktik li vetetike,jtsaktik li kʼox vetetik ti tsokesik li steʼeltak uvae,yuʼun yakal xa chnichin».
16 «Jaʼ kuʼun li kuni kʼanbil kereme xchiʼuk jaʼ yuʼunun ek.+
Te tskʼel xchij+ ti bu oy li lirio nichimetike.+
17 Kuni kʼanbil kerem, yoʼ to mu xtal ikʼ li ta kʼakʼaltike xchiʼuk yoʼ to mu xchʼay batel li axinale,*sutan tal ta anil,jech kʼuchaʼal li gasela+ o li chʼiom teʼtikalchij+ ti te oy li ta vitsetik ti xchʼakojutike.*
Tsʼibetik ta yok vun
^ O «skeoval».
^ O «snail vinoe».
^ O «surtokʼobe».
^ Jaʼ xkaltik, yorail siktik. O «li yorail voʼtike».
^ O «puruvoke».
^ O «amukoj».
^ O «likil».
^ O «li keovale».
^ O jaʼ van skʼoplal «li ta vitsetik ti javemike». O «li ta vitsetik ta Betere».
