El Kantar de los Kantares 3:1-11
3 »Kʼalal te oyun ta jtem* ta akʼobaltike,la jsaʼ li buchʼu jkʼanoje,+
la jsaʼ, pe muʼyuk la jta.+
2 Chilik batel xchiʼuk chbat jxan li jteklume;chbat jxan li kayeetike xchiʼuk li chʼivitetike,*akʼbeikun jsaʼ li buchʼu jkʼanoje.
La jsaʼ, pe muʼyuk la jta.
3 Te la staikun li jchabivanejetik kʼalal jaʼo yakalik ta xanel li jteklume,+ vaʼun xi la jakʼbeike:
‹¿Mi oy bu laj avilik li buchʼu jkʼanoje?›.
4 Naka toʼox li-echʼ batel ti bu oy jchabivanejetikkʼalal la jta li buchʼu jkʼanoje.
Tsots la jnit xchiʼuk mu xa jkʼan jkolta,jaʼ to ti la jtikʼ ochel li ta sna jmeʼe,+li ta yutil to skuarto ti bu lik xchiʼinun li jmeʼe.
5 Stsebetak Jerusalen, albeikun ta jamal ta stojolalli gaselaetik o li meʼ teʼtikalchijetik ta osiltike:
mu xasujikun xchiʼuk mu xatijik koʼonton sventa xikʼanvan, jaʼ to mi jech ayan ta koʼonton jtuke».+
6 «¿Kʼusi xa noʼox ti leʼ xa xmuy talel ta takixokol balumil ti xkoʼolaj kʼuchaʼal chʼail* ti xtomet muyele,ti muibtasbil ta mirra xchiʼuk ta sakil pome,*ti muibtasbil ta jeltos muil perfumeetik ti chchon jpʼolmajele?».+
7 «¡Kʼelavil! Jaʼ li xkuchobil* Salomone.
Te joyol 60 ta voʼ tsatsal viniketik,jaʼ li tsatsal viniketik ta Israele,+
8 yichʼoj s-espadaik skotolik,chanemik lek ta paskʼop skotolik,chukul lek ta xokonik s-espadaiksventa xchabi sbaik ta skoj li kʼusitik xibalik sba ta akʼobaltike».
9 «Jaʼ li xkuchobil* ajvalil Salomon ti la spasta teʼetik ti likem tal ta Libanoe.+
10 Li yoyaltake ta plata la spasbe,li skiklebale pasbil ta oro.
Li xchotlebale pasbil ta tsots* ti bonbil ta kuxul moradoe;li ta yute lek la skʼupiltasik
li stsebetak Jerusalen ta skoj ti kʼanvanemike».
11 «Stsebetak Sion, lokʼanik tal,kʼelik lek li ajvalil Salomonti xojoj ta sjol li korona sventa nupunel* ti pasbat yuʼun smeʼ+li ta skʼakʼalil snupunele,kʼalal xmuyubaj tajek yoʼontone».
Tsʼibetik ta yok vun
^ O «jvayeb».
^ O «ti bu oy ep krixchanoetike».
^ O «chʼayil».
^ Jaʼ jun chotlebal ti lek pixil ti jaʼ chichʼ kuchel-o li buchʼu tsots skʼoplale.
^ Jaʼ jun chotlebal ti lek pixil ti jaʼ chichʼ kuchel-o li buchʼu tsots skʼoplale.
^ Taje jaʼ stsotsil chij o stsotsil yan chonbolometik.
^ Taje jaʼ van jun korona ti pasbil ta nichimetik o ta yanaltak teʼe.