El Kantar de los Kantares 4:1-16
-
Li jchabichije (1-5)
-
«Kuni kʼanbil tseb, toj kʼupil aba» (1)
-
-
Li tsebe (6)
-
Li jchabichije (7-16 sbavokʼal)
-
«Kuni lekom, la aloʼlabun xa koʼonton» (9)
-
-
Li tsebe (16 xchaʼvokʼal)
4 «¡Kʼelavil!, kuni kʼanbil tseb, toj kʼupil aba.
¡Kʼelavil! Toj kʼupil aba.
Li sbekʼ asat ti pixil ta pokʼe xkoʼolaj kʼuchaʼal sbekʼ sat paloma.
Li stsotsil ajole xkoʼolaj kʼuchaʼal jtsop tentsunetikti xkʼietik* yalel tal ta anil ta vitstikaltik Galaade.+
2 Li stanaltak avee xkoʼolaj kʼuchaʼal jtsop chijetik ti jaʼ to laj yichʼ lokʼbel stsotsile,ti jaʼ to laj yichʼik pokele,naka vach vokʼem li yolikexchiʼuk mi jkotuk chʼayem li yalabike.
3 Li yanal avee* xkoʼolaj kʼuchaʼal no ti lek kuxul stsajalexchiʼuk toj echʼ xa noʼox jun yutsil ta aʼiel li akʼopojele.
Li xokon asat ti pixil ta pokʼexkoʼolaj kʼuchaʼal jxetʼ* granada.*
4 Li anukʼe+ xkoʼolaj kʼuchaʼal li tayal kʼelob osil yuʼun David+ti pasbil ta latsbil tone,ti te tʼuyajtik* jmil eskudoetike,*skotol li set-set eskudoetik ti jaʼ yuʼunik li tsatsal viniketike.+
5 Li achuʼe xkoʼolaj kʼuchaʼal chaʼkot teʼtikalchijti jaʼ xvachtak li gaselae,+ti te chveʼik ti bu oy li lirio nichimetike».
6 «Yoʼ to mu xtal ikʼ li ta kʼakʼaltike xchiʼuk yoʼ to mu xchʼay batel li axinale,*chibat li ta vits ti bu oy mirraexchiʼuk li ta bikʼtal vits ti bu oy sakil pome».*+
7 «Kuni kʼanbil tseb, solel kʼupil aba ajunlej,+muʼyuk achopolil jsetʼuk.*
8 Kuni lekom,* laʼ chiʼinun, yalan tal te ta Libano,laʼ chiʼinun, yalan tal te ta Libano.+
Yalan tal te ta jol vits Amana,*te to xalik tal li ta jol vits Senire, li ta jol vits Ermone,+te to xalik tal ti bu oy li xchʼen leonetike, te to xalik tal li ta vitsetik ti bu oy leopardoetike.
9 Kuni ixlel, kuni lekom,* la aloʼlabun xa koʼonton.+Ta jun noʼox velta la akʼelun toj kʼotelot ta koʼonton,ta jpʼej noʼox avuni natsʼ kʼupij koʼonton avuʼun.
10 Kuni ixlel, kuni lekom,* ¡toj echʼ xa noʼox lek ti kʼu yelan chavakʼ ta ilel ti akʼanojune!+
¡Toj echʼ xa noʼox lek ti kʼu yelan chavakʼ ta ilel ti akʼanojune, jaʼ xkom to slekil li vinoe+xchiʼuk toj echʼ xa noʼox lek smuil li aperfumee, jaʼ xkom to smuil li yan muil tsʼiʼleletike!+
11 Kuni lekom,* te tstsʼuj lokʼel tal batsʼi pom+ li ta yanal avee.*
Li avokʼe+ xkoʼolaj kʼuchaʼal leche xchiʼuk pom,li smuil akʼuʼ apokʼe xkoʼolaj kʼuchaʼal li smuil teʼetik ta Libanoe.
12 Li kuni ixlele, li kuni lekome* xkoʼolaj kʼuchaʼal nichimaltik ti lek joybile,jech kʼuchaʼal nichimaltik ti lek joybile, jun nioʼ ti lek makale.
13 Xakoʼolaj kʼuchaʼal li steʼeltak granada* ta jun nichimaltik ti pim tajek sat li ta skʼobkʼobtake,te oy ti bu mas kʼupilik sba sate, li alenya nichime xchiʼuk li nardo nichime,
14 li nardo nichime,+ li asafran nichime, li valeʼ ti mu yikʼe+ xchiʼuk li kanelae+xchiʼuk oy ep ta tos steʼeltak sakil pom, mirra xchiʼuk aloe,*+te oy xtok skotol li perfumeetik ti mas lekike.+
15 Jaʼot jun nioʼ ta nichimaltik, jun sposoal voʼ ti stakʼ uchʼelexchiʼuk ukʼumetik ti chlik talel yok ta Libanoe.+
16 Ikʼ ta norte, julavan,ikʼ ta sur, ochan tal,
kʼunkʼun xavuchʼta* tal li nichimaltik kuʼun
sventa xpuk batel li smuile».
«Akʼo ochuk ta nichimaltik yuʼun li kuni kʼanbil keremexchiʼuk akʼo slobe li sat teʼetik ti mas lekike».
Tsʼibetik ta yok vun
^ O «stsopetik».
^ O «spakʼal avee».
^ O «jov».
^ Jaʼ jtos sat teʼ ti lek tsoj skoloral ti xkoʼolajtik kʼuchaʼal mantsanae.
^ O «jokʼajtik; jipajtik».
^ O «makobbailetike».
^ O «li keovale».
^ O «jutebuk».
^ O «ta jol vitstikaltik ta yeloval Libano».
^ O «elom».
^ O «elom».
^ O «elom».
^ O «spakʼal avee».
^ O «elom».
^ O «elome».
^ Jaʼ jtos sat teʼ ti lek tsoj skoloral ti xkoʼolajtik kʼuchaʼal mantsanae.
^ Jaʼ sbi jtekʼ teʼ ti lek xmuete. Kʼalal jaʼo tsʼibaj li Vivliae, tstunesik kʼuchaʼal perfume.
^ O «xajuchʼta».
