El Kantar de los Kantares 7:1-13
-
Li ajvalile (1-9 sbavokʼal)
-
Kʼanbil tseb, toj kʼupil aba, toj jun avutsil (6)
-
-
Li tsebe (9 xchaʼvokʼal kʼalal ta 13)
-
«Jaʼ yuʼunun li kuni kʼanbil kereme xchiʼuk voʼon noʼox ti tskʼanun tajeke» (10)
-
7 «¡Tseb ti lek xanaʼ xakoltavane,solel toj kʼupil sba li avakan ta axonobe!
Li xokontak yolon achukbenale* xkoʼolaj kʼuchaʼal natsʼiletikti jaʼ yabtel skʼob li buchʼutik xtojobik lek spasele.
2 Li amixikʼe xkoʼolaj kʼuchaʼal uni set-set kopa.
Oyuk-o me svinoal ti lek kapbile.
Li achʼute jaʼ jtsop trigoti joybil ta lirio nichimetike.
3 Li achuʼe xkoʼolaj kʼuchaʼal chaʼkot teʼtikalchijti jaʼ xvachtak li gaselae.+
4 Li anukʼe+ xkoʼolaj kʼuchaʼal jun tayal kʼelob osil+ ti pasbil ta marfile.
Li sbekʼ asate+ xkoʼolaj kʼuchaʼal stankeal voʼ ta Esbon+ti te ta xokon li ochebal ta Bat-Rabime.
Li aniʼe xkoʼolaj kʼuchaʼal tayal kʼelob osil ta Libanoti skʼeloj batel Damaskoe.
5 Li ajole toj kʼupil sba jech kʼuchaʼal li Karmeloe,+li stsotsil ajole+ xkoʼolaj kʼuchaʼal tsots* ti bonbil ta kuxul moradoe.+
Li ajvalile solel loʼlabil-o* yoʼonton ti kʼu yelan kʼunkʼun xkʼiet li stsotsil ajole.
6 Kʼanbil tseb, ¡toj kʼupil aba, toj jun avutsil,atuk xa noʼox jech kʼuchaʼal li yan kʼusitik ti chichʼ kʼupinele!
7 Li anatile xkoʼolaj kʼuchaʼal steʼel xan,li achuʼe xkoʼolaj kʼuchaʼal jujuchoj sat xan.*+
8 Xi laj kale: ‹Chimuy li ta steʼel xanesventa jtsak kikob li ta skʼobkʼobtak ti bu oy sate›.
Akʼo koʼolajuk kʼuchaʼal jujuchoj uva li achuʼe,akʼo koʼolajuk kʼuchaʼal smuil mantsana li yikʼ avee
9 xchiʼuk akʼo koʼolajuk kʼuchaʼal lekil vino li avee».
«Akʼo junuk yutsil xyal batel ta snukʼ li kuni kʼanbil kereme,akʼo junuk yutsil xyal batel ta stiʼil ye li buchʼutik chvayike.
10 Jaʼ yuʼunun li kuni kʼanbil kereme+xchiʼuk voʼon noʼox ti tskʼanun tajeke.
11 Laʼ, kuni kʼanbil kerem,batik li ta osiltike;bat jkux koʼontontik ti bu oy li alenya nichimetike.+
12 Sob xijlik batel, vaʼun batik ti bu tsʼunajtik uvaesventa xbat jkʼeltik mi kʼelomajem xa tal* li steʼel uvae,mi tʼomem xa tal li xniche+xchiʼuk mi chnichin xa li steʼeltak granadae.*+
Te chkakʼbot ta ilel ti jkʼanojote.+
13 Chpuk xa lokʼel smuil li mandragoraetike,*+oy ep ta tos lekil sat teʼetik+ li ta xokon stiʼ jnatike.
Oy achʼ sat teʼetik xchiʼuk takin sat teʼetik,*kuni kʼanbil kerem, voʼot jkʼejojbot.
Tsʼibetik ta yok vun
^ O «achʼute».
^ Taje jaʼ stsotsil chij o stsotsil yan chonbolometik.
^ O «chukbil-o».
^ Literal «datil».
^ O «mi tʼomem xa tal xnich».
^ Jaʼ jtos sat teʼ ti lek tsoj skoloral ti xkoʼolajtik kʼuchaʼal mantsanae.
^ Jaʼ jtos tsʼiʼlel ti chakʼ sjol ti xkoʼolajtik kʼuchaʼal isakʼe.
^ Literal «li sat teʼetik ti voʼne xa kʼejajtike».
