Esekiel 19:1-14
-
Jun son sventa at-oʼonton ta stojolal li bankilaletik yuʼun Israele (1-14)
19 «Kʼejintao junuk son sventa at-oʼonton ta stojolal li bankilaletik yuʼun Israele.
2 Xi skʼan xavale:‹¿Kʼu toʼox yelan li ameʼe? Xkoʼolaj kʼuchaʼal jkot meʼ leon ti te xchiʼuk li yan leonetike.
Te xluket* xchiʼuk li chʼiom leonetik* ti lek tsotsike xchiʼuk te la stsʼites li yalabtake.
3 Oy jkot yol ti la stsʼitese, kʼot ta tsatsal leon.+
La xchan lek stsakel sveʼel.Jech xtok, la slilin ta tiʼel krixchanoetik.
4 Li mukʼtik lumetike laj yaʼibeik skʼoplal, vaʼun la sjomik jun chʼen sventa te stsakik.La xojbeik stakʼinaltak sniʼ xchiʼuk la xjochik batel ta yosilal Ejipto.+
5 Li meʼile la smala bakʼin tsut tal li yole, pe laj yakʼ venta ti muʼyuk xa tsut-o tale.
Jech oxal, la stʼuj yan yol xchiʼuk la xchanubtas sventa xkʼot ta jkot tsatsal chʼiom leon.
6 Lik xchiʼin yan leonetik ek, kʼot ta jkot tsatsal chʼiom leon.
La xchan lek stsakel sveʼel. Jech xtok, la slilin ta tiʼel krixchanoetik.+
7 Te xjoyet ti bu oy li tsatsal tayal kʼelob osiletik yuʼunike xchiʼuk la slilinbe li steklumalike.Jech oxal, chichʼ aʼyel kʼu to stsatsal x-avet ta sjunul li jteklum ti mu xa kʼusi x-ayan tee.+
8 Li mukʼta lumetik ta spat xokone tal syakik li leone,la sjomik jun chʼen sventa te stsakik.
9 La xojbeik stakʼinaltak sniʼ, la stikʼik ta jun jaula* xchiʼuk laj yikʼik batel ta stojolal li ajvalil ta Babiloniae.
Te la sbajik sventa mu xa xichʼ aʼiel ta vitstikaltik yuʼun Israel ti kʼu yelan x-avete.
10 Li ameʼe xkoʼolaj toʼox kʼuchaʼal jpets uva*+ ti te tsʼunbil ta xokon voʼe.
Ta skoj ti oy lek yaʼlele, chakʼ toʼox sat xchiʼuk oy toʼox lek skʼobkʼobtak.
11 Lek tsotsik bat li skʼobkʼobtake,* lek jtunel sventa xvaxton ajvaliletik.
Chʼi xchiʼuk mas to nat bat kʼuchaʼal li yan teʼetike.Lek xichʼ tael ta ilel ta skoj ti lek nat bate xchiʼuk ti lek pim yanale.
12 Pe ta skʼakʼal oʼontonal laj yichʼ bulel lokʼel+ xchiʼuk laj yichʼ jipel yalel ta balumilxchiʼuk takij sat ta skoj li ikʼ chtal ta slokʼeb kʼakʼale.
Laj yichʼ kʼokel lokʼel li skʼobkʼobtak ti lek tsotsike, vaʼun jech lik takijanuk+ xchiʼuk kʼakʼ ta kʼokʼ.+
13 Avi une, te xa yichʼoj tsʼunel ta takixokol balumil,ta jsep osil ti takin tajeke xchiʼuk ti takiserane.+
14 Lik kʼakʼuk li skʼobkʼobtake,* kʼakʼ batel li yuninaltake* xchiʼuk li sate.Mi junuk xa kom li skʼob ti lek tsotse, muʼyuk xa junuk vaxton sventa ajvalil.+
»›Taje jaʼ jun son sventa at-oʼonton xchiʼuk lek ojtikinbil chkʼot ti jaʼ jun son sventa at-oʼontone»›.
Tsʼibetik ta yok vun
^ O «xpuchʼet».
^ O «chʼiom leonetik ti xtinlajet sjolik».
^ O «slapobil».
^ Literal «jpets uva ta achʼichʼel».
^ O «xvachʼiltake».
^ O «xvachʼiltake».
^ O «yunenaltake».
