Esekiel 27:1-36
-
Jun son sventa at-oʼonton ta stojolal svarko Tiro ti chmutʼij xa yalele (1-36)
27 La skʼoponun tal yan velta li Jeovae, xi laj yalbune:
2 «Li voʼote, xnichʼon krixchano, kʼejintao junuk son sventa at-oʼonton ta stojolal li Tiroe,+
3 xi xavalbe yaʼi li Tiroe:‹Voʼot ti te nakalot ta tiʼ nabe,voʼot ti chapʼolmaj xchiʼuk li epal lumetik ti joyol ta nabe,xi chal li Ajvalil Jeova ti jaʼ Mukʼul Jpasmantale:
«Tiro, voʼot ti xi laj avalbe aba akʼoplale: ‹Toj echʼ xa noʼox kʼupil jba›.+
4 Jaʼ kʼotem ta avosilal li oʼlol nabexchiʼuk mas to la skʼupiltasikot li buchʼutik la svaʼanikote.
5 Xakoʼolaj kʼuchaʼal jkot varko, li atavlailtak laj avichʼ-o pasele jaʼ ta enebro teʼ ti likem tal ta Senire+xchiʼuk li ateʼel ti lek vaʼale laj yichʼ pasel ta sedro teʼ ti likem tal ta Libanoe.
6 Li alechuobiltake* la spasik ta tulanetik ti likem tal ta Basanexchiʼuk li aniʼe la spasik ta nukulpat* xchiʼuk la xnochʼanbeik marfil ti likem tal ta lumetik ti joyol ta nab ta Kitime.+
7 Li apokʼale pasbil ta lino ti kuxul lek skoloraltak ti likem tal ta Ejiptoexchiʼuk li avaxibale pasbil ta asul no xchiʼuk ta tsots* ti bonbil ta kuxul morado ti likem tal ta lumetik ti joyol ta nab ta Elisae.+
8 Li buchʼutik chlechuikote jaʼik li jnaklejetik ta Sidon xchiʼuk ta Arvade.+
Tiro, li j-abteletik avuʼune* jaʼik li viniketik ti lek xtojobike.+
9 Li viniketik ti lek xtojobik* xchiʼuk ti lek chanemik ti likemik tal ta Guebale+ tspakʼik lek ti bu tsnupʼ sba ateʼeltake.+
Skotol li varkoetik ta nabe xchiʼuk skotol li j-abteletik* tee chtalik ta atojolal sventa xchonolajik xchiʼuk xmanolajik.
10 Li viniketik ta Persia, ta Lud xchiʼuk ta Pute+ kʼot ta avajsoltarotak, kʼot ta jpaskʼopetik avuʼun.
Te la sjokʼanik ta atojolal li s-eskudoik* xchiʼuk skaskoike xchiʼuk la skʼupiltasikot.
11 Li viniketik ta Arvad ti kʼot ta avajsoltarotake te la svaʼan sbaik ta sjoyobal li amuroalexchiʼuk li viniketik ti tsots lek yoʼontonike te la xchol sbaik ta tayal kʼelob osiletik avuʼun.
Te la sjokʼanik ta sjoylejal amuroal li s-eskudoik* ti set-setexchiʼuk mas to la skʼupiltasikot.
12 »›»Ta skoj ti ep kʼusitik x-ayan avuʼune,+ tal manolajuk xchiʼuk chonolajuk li Tarsise.+ Tal sjelik ta plata, ta tsatsal takʼin, ta estanyo takʼin xchiʼuk ta plomo li kʼusitik oy avuʼune.+
13 Koʼol lapʼolmaj xchiʼuk li Javan, Tubal+ xchiʼuk Meseke;+ chtal yakʼ smosoik+ xchiʼuk kʼusitik pasbil ta kovre sventa xichʼik batel li kʼusitik oy avuʼune.
14 Li snitilulal Togarmae+ tal sjelik ta kaʼ xchiʼuk ta mula li kʼusitik oy avuʼune.
15 Koʼol lapʼolmaj xchiʼuk li krixchanoetik ta Dedane;+ chasaʼ buchʼutik xpʼolmaj avuʼun ta lumetik ti joyol ta nabe, chakʼbeikot marfil+ xchiʼuk ebano teʼ sventa stoj spatanik.
16 Ta skoj ti ep kʼusitik x-ayan avuʼune, tal manolajuk xchiʼuk chonolajuk li Edome. Sventa xichʼik batel li kʼusitik oy avuʼune, laj yakʼik komel turkesa ton, tsots* ti bonbil ta kuxul moradoe, kʼusitik luchbil* ti ep ta tos skolorale, lekil pokʼetik, kʼupil sba tonetik ta nab* xchiʼuk rubi tonetik.
17 »›»Koʼol lapʼolmaj xchiʼuk Juda xchiʼuk li yosilal Israele. Sventa xichʼik batel li kʼusitik oy avuʼune,+ chakʼbeikot komel trigo ti likem ta Minite,+ lekil veʼliletik, pom,+ aseite xchiʼuk balsamo.+
18 »›»Ta skoj ti ep kʼusitik x-ayan avuʼune xchiʼuk ti toj jkʼulejote, tal manolajuk xchiʼuk chonolajuk li Damaskoe;+ tal sjelik ta vino ti likem ta Elbone xchiʼuk ta tsots* ti likem ta Saare.
19 Li Vedan xchiʼuk li Javan ta Usale la sjelik ta tsatsal takʼin, ta kasia teʼ* xchiʼuk ta valeʼ* li kʼusitik oy avuʼune.
20 Li Dedane+ laj yakʼbot pokʼetik* sventa montura.
21 La avinikin li j-arabiaetike xchiʼuk skotol li bankilaletik ta Kedare,+ ti chchonik chʼiom chijetike, tot chijetike xchiʼuk tentsunetike.+
22 Koʼol lapʼolmaj xchiʼuk li jpʼolmajeletik ta Saba xchiʼuk ta Raamae;+ sventa xichʼik batel li kʼusitik oy avuʼune,+ laj yakʼbeikot komel jeltos lekil perfumeetik, lekil tonetik xchiʼuk oro.
23 Koʼol lapʼolmaj xchiʼuk li Aran,+ Kane, Eden,+ Asur,+ Kilmad xchiʼuk li jpʼolmajeletik ta Sabae.+
24 Li ta achʼivite te la xchonik kʼupil sba kʼuʼil pokʼiletik, asul jalbil pokʼetik ti jeltos skoloral xluchale* xchiʼuk pimil pokʼetik sventa yut na ti jeltos skolorale, lek chukajtik skotol ta chʼojon.
25 Li varkoetik ta Tarsise+ la xkuchik tal li apʼolmale,jaʼ yuʼun lanoj ta kʼulejal xchiʼuk epaj avikats ta oʼlol nab.
26 Li buchʼutik chlechuikote laj yikʼikot batel ti bu xyukʼlajet tajek li nabe;li ikʼ ti chlik tal ta slokʼeb kʼakʼale la slilinot ta oʼlol nab.
27 Li akʼulejale, li kʼusitik oy avuʼune, li apʼolmale, li avaj-abteltake,*li buchʼutik tspakʼik lek ti bu tsnupʼ sba ateʼeltake, li buchʼutik chchonik apʼolmale+ xchiʼuk li jpaskʼopetik avuʼune,+skotol li buchʼutik te oy ta atojolaleta xmutʼijik* yalel ta oʼlol nab kʼalal mi kʼot yorail chavichʼ lajesele.+
28 Kʼalal mi avanik li avaj-abteltake,* ta xnik li lumetik ta tiʼ nabe.
29 Skotol li buchʼutik chlechuik varkoe, li j-abteletik ta varkoe* xchiʼuk li buchʼutik te oyik ta nabechyal li ta svarkoike xchiʼuk chbatik ta takin balumil.
30 Ch-avanik xchiʼuk tsmil sbaik ta okʼel ta atojolal+kʼalal jaʼo tsvij pukuk* ta sjolike xchiʼuk ti te xbaletik ta tantike.
31 Ta xjux lokʼel stsotsil sjolik xchiʼuk tslapik chʼixal kʼuʼil;*tsmil sbaik ta okʼel ta atojolal xchiʼuk chat tajek yoʼontonik.
32 Kʼalal jaʼo ch-okʼike, tskʼejintaik jun son sventa at-oʼonton ta atojolal, xi chkʼejinike:
‹¿Buchʼu xkoʼolaj xchiʼuk li Tiro ti jecheʼ xa te tsʼijil ta oʼlol nabe?+
33 Kʼalal te to ta oʼlol nab lik tal li kʼusitik oy avuʼune, jun yoʼonton kom avuʼun epal jteklumetik.+
Li akʼulejal ti mu albajuk yepale xchiʼuk li apʼolmaltake jaʼ pasik-o ta jkʼulej li ajvaliletik ta balumile.+
34 Avi une, laj xa avichʼ lilinel ta oʼlol nab, te ta natil nab;+jech xtok, skotol li apʼolmale xchiʼuk li aviniktake koʼol xa lamutʼijik* yalel xchiʼuk.+
35 Skotol li jnaklejetik ta lumetik ti joyol ta nabe chʼayal to chkʼot yoʼontonik kʼalal tskʼelikote+xchiʼuk ta xnikik ta xiʼel li ajvaliletik yuʼunike,+ xvinaj ta satik ti mu xa snaʼ kʼusi tspasike.
36 Li jpʼolmajeletik ta mukʼtik lumetike ta sjikʼ yoʼontonik ta skoj li kʼusi chkʼot ta atojolale.
Ta anil noʼox xchiʼuk toj xibal sba chavichʼ lajesel,vaʼun chlaj akʼoplal ta sbatel osil›»›».+
Tsʼibetik ta yok vun
^ O «sbekʼobil voʼ avuʼune».
^ O «sipres».
^ Taje jaʼ stsotsil chij o stsotsil yan chonbolometik.
^ O «li amarinerotake».
^ Literal «Li moletik».
^ O «marineroetik».
^ O «smakobbailik».
^ O «smakobbailik».
^ Taje jaʼ stsotsil chij o stsotsil yan chonbolometik.
^ O «tsʼisbil».
^ Taje jaʼ stsotsil chij o stsotsil yan chonbolometik.
^ Jaʼ jtekʼ teʼ ti xkoʼolajtik kʼuchaʼal steʼel kanelae.
^ Jaʼ jtos valeʼ ti xmuet yikʼe.
^ O «jalbil mantaetik».
^ O «stsʼisbenale».
^ O «xmukijik; xbutʼijik».
^ O «amarinerotake».
^ O «amarinerotake».
^ O «marineroetike».
^ O «lum».
^ O «lamukijik; labutʼijik».
