Esekiel 28:1-26
28 La skʼoponun tal yan velta li Jeovae, xi laj yalbune:
2 «Xnichʼon krixchano, xi xavalbe yaʼi li jnitvanej ta Tiroe: ‹Xi chal li Ajvalil Jeova ti jaʼ Mukʼul Jpasmantale:
«Ta skoj ti la stoy sba li avoʼontone,+ xi chavalilane: ‹Jaʼun jun dios.
Chotolun ta smukʼta chotleb jun dios te ta oʼlol nab›.+
Pe jaʼot noʼox jun krixchano, maʼuk diosot,akʼo mi chaval ta avoʼonton ti jaʼot jun diose.
3 Avaloj ti mas pʼijot kʼuchaʼal li Daniele+
xchiʼuk ti muʼyuk kʼusi mukul ta atojolale.
4 Lapas ta jkʼulej ta skoj li apʼijile xchiʼuk ti oy kʼusi lek xanabe skʼoplalexchiʼuk yakal-o chatsob oro xchiʼuk plata li ta skʼejobil* akʼulejale.+
5 Epaj akʼulejal+ ta skoj ti lek xatojob ta pʼolmajelexchiʼuk lik stoy sba avoʼonton ta skoj li akʼulejale»›.
6 »‹Jaʼ yuʼun, xi chal li Ajvalil Jeova ti jaʼ Mukʼul Jpasmantale:
«Ta skoj ti chaval ta avoʼonton ti jaʼot jun diose,
7 chkikʼ tal jyanlumetik sventa skontrainikot, jaʼik li buchʼutik mas to toj simaronik ta mukʼta lumetike;+ta slokʼes s-espadaik xchiʼuk tslajesik li kʼusitik kʼupilik sba ataoj ta skoj apʼijilexchiʼuk tslajesbeik skʼoplal li atʼujomale.+
8 Tstikʼikot ochel ta chʼen*xchiʼuk toj chopol kʼu yelan chacham li ta oʼlol nabe.+
9 ¿Mi xi to chavalbe li buchʼu tsmilote: ‹Jaʼun jun dios›?
Kʼalal cha-och ta skʼob li buchʼutik tsokes akʼoplale, maʼuk jun dios chilikot, jaʼ noʼox jun krixchano»›.
10 ‹Te chacham ta skʼob li jyanlumetike, jech chacham kʼuchaʼal li buchʼutik muʼyuk yichʼojik sirkunsisione,*yuʼun jech lokʼem ta ke jtuk›, xi li Ajvalil Jeova ti jaʼ Mukʼul Jpasmantale».
11 La skʼoponun tal yan velta li Jeovae, xi laj yalbune:
12 «Xnichʼon krixchano, kʼejintao jun son sventa at-oʼonton ta stojolal li ajvalil ta Tiroe xchiʼuk xi xavalbe yaʼie: ‹Xi chal li Ajvalil Jeova ti jaʼ Mukʼul Jpasmantale:
«Tukʼot toʼox tajek,ep tajek apʼijil+ xchiʼuk kʼupil tajek aba.+
13 Te toʼox oyot ta Eden, jaʼ li ta nichimaltik yuʼun Diose.
Kʼupiltasbilot toʼox ta jeltos lekil tonetik:ta rubi, ta topasio xchiʼuk ta jaspe;ta krisolito, ta onise xchiʼuk ta jade; ta safiro, ta turkesa+ xchiʼuk ta esmeralda;ta oro pasbil li stsaklebtake.
Skotol taje jaʼo la jmeltsan kʼalal la jpasote.
14 Laj kakʼbot avabtel kʼuchaʼal jun keruvin ti chchabivane xchiʼuk ti tʼujbile.
Te toʼox oyot li ta xchʼul vits Diose+ xchiʼuk te toʼox xavaʼet ti bu oy li tonetik ti xtiltun* skʼakʼale.
15 Lek toʼox tajek atalelal kʼalal laj avichʼ pasele,jaʼ to lasok kʼalal lik apas li kʼusitik muʼyuk tukʼe.+
16 Ta skoj ti ep lapʼolmaje,+solel lik ilbajinvanan xchiʼuk lik asaʼ amul.+
Jaʼ yuʼun, keruvin ti chachabivane, ta jnutsot lokʼel li ta vits yuʼun Dios ta skoj ti chasokesvane xchiʼuk ta jlajes akʼoplal,+ti bu ta jipot batele nom xil li tonetik ti xtiltun* skʼakʼale.
17 Ta skoj ti toj kʼupil abae, lik stoy sba li avoʼontone.+
La asokes apʼijil ta skoj li avutsilale.+
Ta jipot yalel ta balumil.+
Chkakʼ ti xakʼot ta j-akʼ-elov ta yeloval li ajvaliletike.
18 Ta skoj ti toj echʼ xa noʼox amule xchiʼuk ti laloʼlavan kʼalal lapʼolmaje, la asokesbe skʼoplal ti butik chʼul avuʼune.
Chkakʼ ti akʼo tiluk* kʼokʼ ta atojolale, vaʼun ta xchikʼot.+
Jaʼ xa noʼox atanil te tokol chkom ta balumil ta yeloval sat skotol li buchʼutik tskʼelikote.
19 Skotol li buchʼutik xojtikinikot li ta jteklumetike chʼayal to chkʼot yoʼontonik kʼalal tskʼelikote.+
Ta anil noʼox xchiʼuk toj xibal sba chavichʼ lajesel,vaʼun chlaj akʼoplal ta sbatel osil»›».+
20 La skʼoponun tal yan velta li Jeovae, xi laj yalbune:
21 «Xnichʼon krixchano, akʼo batel asat ta stojolal li Sidone+ xchiʼuk alo kʼusi chopol chkʼot ta stojolal.
22 Xi xavalbee: ‹Xi chal li Ajvalil Jeova ti jaʼ Mukʼul Jpasmantale:
«Sidon, likʼot xa ta avajkontra, chkichʼ mukʼibtasbel jkʼoplal ta skoj li kʼusi ta jpasbote.Vaʼun, li krixchanoetike tsnaʼik ti voʼon Jeovaun kʼalal mi laj kakʼbot kastigoe xchiʼuk mi la jchʼultajes jba ta atojolale.
23 Ta jtak batel tsatsal chamel te xchiʼuk chbein chʼichʼ li ta skayealtake.
Ep buchʼutik te chchamik kʼalal mi tal ta buyuk noʼox li espadae;jech tsnaʼik ti voʼon Jeovaune.+
24 »›»Vaʼun, li jteklum Israele muʼyuk xa joyobtabil chkom ta chʼixetik ti chchayijesvane+ xchiʼuk ti toj chopole, jaʼ li mukʼta lumetik ti spʼajojik li Israele; li krixchanoetik une jech tsnaʼik ti voʼon li Ajvalil Jeovaun ti Mukʼul Jpasmantalune»›.
25 »‹Xi chal li Ajvalil Jeova ti jaʼ Mukʼul Jpasmantale: «Kʼalal mi la jtsob sutel tal li jteklum Israel ti bu tanpuk batemik li ta jteklumetike,+ chkakʼbe yil mukʼta lumetik ti chʼul Diosune.+ Li jteklum Israel une te chnakiik li ta balumil+ ti laj kakʼbe li kajtunel Jakobe.+
26 Jun yoʼonton te chnakiik,+ tsvaʼan snaik xchiʼuk ta stsʼun s-uvaik.+ Jun xa yoʼonton chnakiik kʼalal mi laj xa ox kakʼbeik kastigo li buchʼutik chpʼajatik ti te oyik ta spat xokonike,+ jech tsnaʼik ti voʼon Jeovaune, ti voʼon Sdiosikune»›».
Tsʼibetik ta yok vun
^ O «snakʼobil».
^ O «mukinal».
^ O «xloklun; xpulpun».
^ O «xloklun; xpulpun».
^ O «tsanuk».