Esekiel 29:1-21
29 Li ta slajunebal jabil,* li ta skʼakʼalil 12 ta slajunebal ue, la skʼoponun tal li Jeovae, xi laj yalbune:
2 «Xnichʼon krixchano, akʼo batel asat ta stojolal li faraon ti jaʼ ajvalil ta Ejiptoe. Alo kʼusi chopol chkʼot ta stojolal li faraone xchiʼuk ta stojolal sjunul li Ejiptoe.+
3 Xi xavalbe yaʼie: ‹Xi chal li Ajvalil Jeova ti jaʼ Mukʼul Jpasmantale:
«Faraon ti ajvalilot ta Ejiptoe,+ likʼot xa ta avajkontra,voʼot li mukʼta chanul voʼ ti te maxalot* ta yok li ukʼum Niloe.*+Xi avaloje: ‹Jaʼ kuʼun li ukʼum Niloe.
La jpas sventa xkuʼunin jtuk›.+
4 Pe ta jxojbot xotxot takʼin ta sbakil ave xchiʼuk chkakʼ ti xpakʼi ta amikʼal* li choyetik ta ukʼum Niloe.
Ta jochot lokʼel ta ukʼum Nilo xchiʼuk li choyetik ti pakʼi ta amikʼale.
5 Ta jipoxuk komel ta takixokol balumil xchiʼuk skotol li choyetik ta Niloe.
Te telel chakom ta jamal osiltik, muʼyuk chavichʼ toyel likel mi jaʼuk chavichʼ mukel.+
Chakʼot kuʼun ta sveʼel jtiʼvanej chonbolometik ta balumil xchiʼuk ta sveʼel mutetik ta vinajel.+
6 Vaʼun, skotol li jnaklejetik ta Ejiptoe tsnaʼik ti voʼon Jeovaune,yuʼun muʼyuk la skoltaik li jteklum Israele, jaʼ noʼox jech kʼotik kʼuchaʼal jtel aj.+
7 Kʼalal la stsakik akʼobxchiʼuk la skikan sbaik ta atojolale, toj vochʼel lakʼot,
vaʼun xtamlajetik xa kom avuʼun+xchiʼuk yayij avuʼun li snekebike».
8 »›Jaʼ yuʼun, xi chal li Ajvalil Jeova ti jaʼ Mukʼul Jpasmantale: «Chkakʼ talel jun espada ta atojolal,+ ta jlajesbe skʼoplal li krixchanoetik xchiʼuk li chonbolometik ti te oy ta atojolale.
9 Li yosilal Ejiptoe xokol chkom xchiʼuk jinem chkom;+ vaʼun tsnaʼik ti voʼon Jeovaune, yuʼun xi avaloje: ‹Jaʼ kuʼun li ukʼum Niloe; voʼon la jpas›.+
10 Jaʼ yuʼun, ta jkontrainot xchiʼuk ta jkontrain li ukʼum Niloe, xokol chkom kuʼun li yosilal Ejiptoe xchiʼuk takin chkom kuʼun, stsʼijlan* chkom kʼuchaʼal takixokol balumil,+ te chlik ta Migdol+ kʼalal to ta Siene+ xchiʼuk chkʼot kʼalal to ta stsʼakil Etiopia.
11 Muʼyuk xa te ch-echʼ krixchanoetik mi jaʼuk tsʼunbal chonbolometik+ xchiʼuk 40 jabil muʼyuk chichʼ naklebinel.
12 Ta xkakʼ ti mas to xokol xkom li yosilal Ejipto kʼuchaʼal li yan lumetike, 40 jabil xokol chkom li jteklumetik yuʼune,+ mas to xokol chkom kʼuchaʼal li yan jteklumetike. Tanpuk chbat kuʼun ta lumetik li j-ejiptoetike xchiʼuk ta jtaniik batel ta mukʼtik lumetik».+
13 »›Yuʼun xi chal li Ajvalil Jeova ti jaʼ Mukʼul Jpasmantale: «Kʼalal mi echʼ xa ox 40 jabile, ta jtsobik sutel tal li j-ejiptoetik ti bu tanpuk batik ta jteklumetike.+
14 Chkikʼik sutel ta Patros+ li j-ejiptoetik ti chukbilik toʼox batele, chkikʼik sutel ta slumalik, vaʼun chpasik ta jun lum ti muʼyuk tsots skʼoplale.
15 Li Ejiptoe mas to bikʼit skʼoplal chkom kʼuchaʼal li yan lumetike, muʼyuk xa tsventain li yan mukʼtik lumetike.+ Ta jbikʼtajesbe tajek skʼoplal, jech muʼyuk xa tspas ta mantal li yan mukʼtik lumetike.+
16 Li jteklum Israele j-echʼel muʼyuk xa tspat yoʼontonik ta stojolal li Ejiptoe;+ jaʼ noʼox chvul ta sjolik ti jaʼ te la sta-o smulik kʼalal la skʼanbeik koltaele. Vaʼun, li j-israeletike jech tsnaʼik ti voʼon Ajvalil Jeovaun ti Mukʼul Jpasmantalune»›».
17 Li ta jabil 27,* li ta sba kʼakʼal yochel li baʼyel ue, la skʼoponun tal li Jeovae, xi laj yalbune:
18 «Xnichʼon krixchano, li Nabukodonosor*+ ti jaʼ ajvalil ta Babiloniae tsots laj yakʼ abtejuk yajsoltarotak sventa skontrain li Tiroe.+ Tʼaxjol komik xchiʼuk choʼ snekeb skotolik. Pe li ajvalil xchiʼuk li yajsoltarotake muʼyuk laj yichʼik tojel jsetʼuk* ti abtejik ta Tiroe.
19 »Jaʼ yuʼun, xi chal li Ajvalil Jeova ti jaʼ Mukʼul Jpasmantale: ‹Li Nabukodonosor* ti jaʼ ajvalil ta Babiloniae+ chkakʼbe li yosilal Ejiptoe, chichʼbe batel li skʼulejale xchiʼuk skotol li kʼusitik oy yuʼune, jaʼ stojolik chkʼot li yajsoltarotake›.
20 »‹Chkakʼbe yuʼunin li yosilal Ejipto sventa xkʼot ta stojolik ta skoj ti abtejik ta skontrainel li Tiroe, yuʼun abtejik kuʼun›,+ xi li Ajvalil Jeova ti jaʼ Mukʼul Jpasmantale.
21 »Li vaʼ kʼakʼale, chkakʼ lokʼuk tal jun xulubil ta sventa li jteklum Israele,*+ li voʼot une chkakʼ kʼopojan ta yelovalik; vaʼun tsnaʼik ti voʼon Jeovaune».
Tsʼibetik ta yok vun
^ Jaʼ skʼoplal ti slajunebal xa ox jabil yichʼoj chukel batel li ajvalil Joakin, Esekiel xchiʼuk yan judaetike. Kʼelo Esekiel 1:2.
^ O «patalot».
^ Kʼalal Nilo xi liʼe xchiʼuk li ta yantik bu chvinaj batele, jaʼ skʼoplal li ukʼume o li yoktak ti chatʼes osiltike.
^ O «avaruxal; amerioal; asolil».
^ O «tsʼijil».
^ Jaʼ skʼoplal ti 27 xa ox jabil yichʼoj chukel batel li ajvalil Joakin, Esekiel xchiʼuk yan judaetike. Kʼelo Esekiel 1:2.
^ Literal «Nabukodorosor», jech ta stsʼibaik li yantike.
^ O «jutebuk».
^ Literal «Nabukodorosor», jech ta stsʼibaik li yantike.
^ O «chkakʼbe stsatsal li jteklum Israele».